Բաքվում Ադրբեջանը, Թուրքիան և Վրաստանը արձանագրություն են ստորագրել

Նոյեմբերի 21-ին Բաքվում առանձին և համատեղ  հանդիպումներ են եղել Ադրբեջանի պաշտպանության նախարար Զաքիր Հասանովի Թուրքիայի զինված ուժերի գլխավոր շտաբի պետ, բանակի գեներալ Յաշար Գյուլերի և Վրաստանի գլխավոր շտաբի պետ, գեներալ-մայոր Վլադիմեր Չաչիբայայի միջև։

Եռակողմ հանդիպման ժամանակ պաշտպանության ոլորտի ղեկավարների միջև ստորագրվել է արձանագրություն համագործակցության մասին, ինչից մանրամասները դեռևս հայտնի չեն: Եռակողմ հանդիպումը անցել է սկզբում բաց, ապա փակ քննարկմամբ։

Ադրբեջանի պաշտպանության նախարար Զաքիր Հասանովի, Թուրքիայի և Վրաստանի ԶՈւ ԳՇ պետերի հանդիպումը Բաքվում

Ադրբեջանի պաշտպանության նախարար Զաքիր Հասանովի, Թուրքիայի և Վրաստանի ԶՈւ ԳՇ պետերի հանդիպումը Բաքվում

Մինչ այդ՝ Ադրբեջանի պաշտպանության նախարար Զաքիր Հասանովը հանդիպել է  Թուրքիայի ԶՈւ ԳՇ պետի հետ։

Ադրբեջանի պաշտպանության նախարար Զաքիր Հասանովը և Թուրքիայի զինված ուժերի գլխավոր շտաբի պետ Յաշար Գյուլերը

Ադրբեջանի պաշտպանության նախարար Զաքիր Հասանովը և Թուրքիայի զինված ուժերի գլխավոր շտաբի պետ Յաշար Գյուլերը

Այնուհետև Հասանովը Վրաստանի զինված ուժերի գլխավոր շտաբի պետ Վլադիմեր Չաչիբայայի հետ քննարկել է ՆԱՏՕ ծրագրերի շրջանականերում երկու երկրների համագործակցությունը։

Վրաստանի զինված ուժերի գլխավոր շտաբի պետ Վլադիմեր Չաչաբայան և Ադրբեջանի պաշտպանության նախարար Զաքիր Հասանովը

Վրաստանի զինված ուժերի գլխավոր շտաբի պետ Վլադիմեր Չաչաբայան և Ադրբեջանի պաշտպանության նախարար Զաքիր Հասանովը

Թուրքիայի ԶՈւ ԳՇ պետը հանդիպել է նաև Ադրբեջանի պետական սահմանապահ ծառայության պետ Էլչին Գուլիևի հետ։

Հիշեցնենք, որ երեկ՝ նոյեմբերի 20-ին, Թուրքիայի զինված ուժերի գլխավոր շտաբի պետ Յաշար Գյուլերը հանդիպել էր նախ Արդբեջանի նախագահ Իլհամ Ալիևի, այնուհետև Ադրբեջանի զինված ուժերի գլխավոր շտաբի պետ Նեջմեդդին Սադիգովի հետ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *