Հուլիսի 10-ին պաշտոնապես նախագահի լիազորությունները ստանձնելուց հետո Թուրքիայի նախագահ Էրդողանը նոր նշանակումներ է արել կառավարությունում։
Այս մասին հայտնում է թուրքական Haberturk լրատվակայքը։
Այսպիսով՝ Թուրքիայի զինված ուժերի գլխավոր շտաբի պետ է նշանակվել ցամաքային զորքերի նախկին հրամանատար գեներալ Յաշար Գյուլերը։
Թուրքիայի ԶՈւ ԳՇ նոր պետ գեներալ Յաշար Գյուլերը
Թուրքիայի պաշտպանության նախարար է նշանակվել զինված ուժերի ԳՇ պետի պաշտոնը զբաղեցնող Հուլուսի Աքարը։
Թուրքիայի պաշտպանության նոր նախարար Հուլուսի Աքարը
Արտաքին գործերի նախարարի պաշտոնում վերանշանակվել է Մևլյութ Չավուշօղլուն։
Ներքին գործերի նախարար Սուլեյման Սոյլունը նույնպես վերանշանակվել է։
Հիշեցնենք, որ 2018թ հունիսի 24-ին կայացած ընտրություններով Թուրքիայի նախագահ Ռեջեփ Թայիփ Էրդողանը վերընտրվեց նախագահի պաշտոնում, իսկ երեկ՝ հուլիսի 9-ին Անկարայում անցկացվեց վերջինիս երդմնակալության արարողությունը։