Ռուսաստանի ԶՈւ հարավային ռազմական շրջանի մոտոհրաձգային ստորաբաժանումները բազմակիլոմետրանոց երթից հետո մարտական կրակով վարժանքներ են անցկացրել Կարաչայ-Չերքեզիայի «Զելենչուկսկիյ» զորավարժարանում։ Այս մասին ապրիլի 20-ին տեղեկացնում է ՌԴ ՊՆ կայքը։
Վարժանքների սցենարի համաձայն՝ տագնապով վերկացից հետո մոտոհրաձիգները ուղղաթիռներով հասել են նախատեսված շրջան։
Լեռնա-անտառային դժվար պայմաններում մոտոհրաձիգները պայմանական հակառակորդին շրջափակել են կիրճում և մարտի բռնվել նրա հետ։ Հակառակորդին հարվածներ են հասցվել «Պադնոս» ականանետներով։ Մարտի ընթացքում մոտոհրաձիգներին աջակցել է նաև ավիացիան։
Ընդհանուր առմամբ վարժանքներին ներգրավվել է շուրջ 600 զինծառայող, ավելի քան 100 միավոր զինտեխնիկա, այդ թվում՝ 2 միավոր Մի-35 ուղղաթիռներ։ Վարժանքներին ներգրավվել են նաև հետախուզության, ռադիոէլեկտրոնային պայքարի ստորաբաժանումներ։