Այսօր՝ փետրվարի 12-ին, Սիրիայի քրդերի «Ժողովրդական ինքնապաշտպանական ջոկատները» (YPG) հրապարակել են թուրքական Bayraktar տեսակի անօդաչու բեկորների լուսանկար՝ նշելով, որ խոցել են այդ անօդաչուի հարվածային տարբերակներից:
Turkish armed UAV shot down in #Afrin by #YPG-led #SDF fighters. pic.twitter.com/UZwsKJirKQ
— Rojava Defense Units | YPG (@DefenseUnits) February 12, 2018
Անօդաչու թռչող սարքի բեկորների ուսումնասիրությունը ևս ցուցյ է տալիս, որ խոսքն իրոք Թուրքիայի ԶՈւ, թուրքական արտադրության Bayraktar TB2 սարքի մասին է:
2017 թ. նոյեմբերին Թուրքիայի պաշտպանույան նախարարը խորհրդարանում բյուջեի քննարկումների ժամանակ հայտնել էր, որ թուրքական զինուժում այդ ժամանակվա դրությամբ կար 38 միավոր Bayraktar, այդ թվում 15-ը՝ հարվածային: Հետագայում Թուրքիայի զինուժին այս տեսակի ԱԹՍ-ների նոր խմբաքանակի մատակարարման վերաբերյալ տվյալներ չեն հայտնվել: Այսինքն Աֆրինում քրդական ուժերը խոցել են Թուրքիայի ԶՈւ՝ արդեն իսկ սահմանափակ քանակությամբ հարվածային ԱԹՍ-ներից մեկը:
Հիշեցնենք, որ փետրվարի 10-ին էլ քրդական ուժերը խոցել էին Թուրքիայի ԶՈւ T-129 Atak հարվածային ուղղաթիռ: Այդ ուղղաթիռներից էլ թուրքական զինուժը 2017 թ. դեկտեմբերի դրությամբ ընդամենը 27 միավոր էր ստացել: Բացի այս քրդերն արդեն խոցել են Թուրքիայի ԶՈւ մի քանի տանկ, այլ զրահատեխնիկա:
«Բայրաքթար» ԱԹՍ-ի մարտավարատեխնիկական բնութագիրը․
- Գործողության շառավիղը՝ 150 կմ,
- Առավելագույն թռիչքային զանգվածը՝ 650 կգ,
- Օգտակար բեռնատարողությունը՝ 50կգ,
- Առավելագույն արագությունը՝ 222 կմ/ժ,
- Թռիչքի տևողությունը՝ առավելագույնը 24ժ,
- Թևերի բացվածքը՝ 12 մ,
- Երկարությունը 6,5 մետր,
- Սարքը կարող է ինքնուրույն օդ բարձրանալ և վայրէջք կատարել։
Անօդաչուի հարվածային տարբերակը կրում է 2 միավոր UMTAS հրթիռ: Հրթիռն ուղղորդվում է լազերային ճառագայթով, խոցման առավելագույն հեռահարությունը 8000 մետր է, նվազագույնը՝ 500, տրամաչափը՝ 160 մմ, երկարությունը՝ 1800 մմ, զանգվածը 37,5 կգ է։