Հունվարի 13-14-ին Թուրքիայի զինուժը տանկեր և այլ զրահատեխնիկա է ուղարկել թուրք-սիրիական սահման: Դրանք տեղակայվել են երկրի հարավային Հաթայ և Շանլըուրֆա նահանգներում: Այս մասին հայտնում է թուրքական պետական «Անադոլու» գործակալությունը (1, 2):
Թուրքիան տանկերի նոր խմբաքանակ է ուղարկել թուրք-սիրիական սահման
Հունվարի 14-ին Հաթայ և Շանլուրֆա են ուղարկվել զրահափոխադրիչներ և զրահամեքենաներ: Իսկ հունվարի 13-ին թուրք-սիրիական սահման՝ Հաթայ նահանգի Ռեյհանլը գավառ են հասել նաև Թուրքիայի ԶՈւ տանկերը:
Նշենք, որ թուրքական իշխանությունները շարունակում են սպառնալ, որ Սիրիայի հյուսիսում՝ մասնավորապես Աֆրին շրջանում, քրդական ուժերի՝ «Ժողովրդավարական միություն կուսակցություն» (PYD) խմբավորման, և դրա ռազմական թև YPG-ի դեմ գործողություններ կիրականացնեն: Ներկայում փաստացիորեն Թուրքիան մի քանի կողմից շրջափակել է Աֆրինը:
Հունվարի 14-ին Թուրքիայի նախագահ Ռեջեփ Թայիփ Էրդողանը հայտարարել է, որ ինչպես Սիրիայում «Եփրատի բահան» գործողության ընթացքում զորքեր մտցրեցին, այդպես էլ Աֆրին «մի գիշեր հանկարծակի կարող են գալ»: Իսկ հունվարի 15-ին Թուրքիայի նախագահը հայտարարել է, որ իրենք «հնարավոր կարճ ժամանակում» գործողություն կսկեն Աֆրինում և Մանբիջում:
Այս խնդրին ավելի մանրամասն անդրադարձել ենք հետևյալ հոդվածում.
Հիշեցնենք, որ Թուրքիան այս պահին զինուժ տեղակայված է նաև Ջերաբլուս-Ազազ հատվածում, որը գրավել է «Եփրատի վահան» գործողության ընթացքում՝ 2016-ի օգոստոս — 2017-ի մարտ:
Բացի այդ, Իրանի և Ռուսաստանի հետ Աստանայում բանակցությունների ընթացքում կողմերը համաձայնվել են Իդլիբում «անվտանգության գոտի» ստեղծելու վերաբերյալ: Իդլիբում 2017-ի հոկտեմբերից սկսած զորքեր է կենտրոնացնում Թուրքիան: Թուրքական զորքերը հիմնականում տեղակայված են Իդլիբի հյուսիսում՝ անմիջապես Աֆրինին սահմանակից հատվածներում:
Սիրիայի քրդերի հիմնական բազաները՝ ըստ թուրքական «Անադլու» պետական գործակալության. 01.12.2017