ՌԴ ԶՈւ Կասպյան նավատորմի նավախմբերի մշտական տեղակայման վայրերից մեկում՝ Մախաչկալայում, հակաստորջրյա-դիվերսիոն պաշտպանության ուժերի շուրջ 40 զինծառայողի ներգրավվածությամբ անցկացվել են վարժանքներ։ Այս մասին նոյեմբերի 16-ին տեղեկացնում է ՌԴ ՊՆ կայքը։
Սցենարի համաձայն՝ նավերի տեղակայման վայրում պարեկները նկատել են շարժվող, ստորջրյա օբյեկտներ, որոնք նմանեցվել են մարդկային կերպարանքների։
Նավերում տագնապ է հայտարարվել, ինչից հետո անձնակազմերը նավերը նախապատրաստել են մարտի և հարձակման: Այնուհետև նկատված օբյեկտների մոտ է ուղարկվել 21980 նախագծի «Գրաչոնոկ» հակադիվերսիոն կատերը։
Օգտագործելով կատերի տեխնիկական միջոցները նավաստիները հայտնաբերել են պայմանական դիվերսիոն խմբի գտնվելու վայրը, ինչից հետո այնտեղ ուղարկված խումբը բռնել է դիվերսանտներին և դուրս բերել ափ։