Աբխազիայում տեղակայված ՌԴ ԶՈւ 7-րդ ռազմաբազայի կապավորները վարժանքների ընթացքում վերականգնել են պայմանական հակառակորդի հրետանային կրակի հետևանքով ռազմաբազայի շտաբերի միջև խափանված հաղորդակցությունը։ Այս մասին նոյեմբերի 8-ին տեղեկացնում է ՌԴ ՊՆ կայքը։
Վարժանքների սցենարի համաձայն՝ զինծառայողները հետ են մղել կապի հանգույցների վրա հարձակում կատարած պայմանական դիվերսիոն խմբերին։ Դիվերսիոն փորձից հետո պայմանական հակառակորդը հրետանիով խոցել է ռազմաբազայի կապի մեքենաները, հաղորդալարերը և այլ տեխնիկական միջոցներ։
Վարժանքների հաջորդ փուլում կապավորները պահեստային միջոցների կիրառմամբ վերականգնել են ռազմաբազայի շտաբերի միջև հաղորդակցությունը։
Վարժանքների ընթացքում կապավորները նաև 20-ից ավելի նորմատիվ են հանձնել, որոնց թվում՝ կապի մեքենաների բացազատման, ինֆորմացիայի ընդունման ու փոխանցման։
Զորավարժությանը ընդհանուր առմամբ ներգրավվել է 300-ից ավելի զինծառայող, 60 միավոր կապի մեքենա՝ այդ թվում ԲՏՌ-80-ի հիմքին ամրացրած «Արտեկ» ռադիոկապի կայան, «Ուրալ» մեքենայի հիմքին ամրացրած «Լիվեն» արբանյակային կապ և այլն։