Ռուսաստանի զինված ուժերի հարավային ռազմական շրջանի՝ Կարաչայ-Չերքեզիայում տեղակայված մոտոհրաձգային բրիգադի հետախույզները վարժանքների շրջանակներում գիշերային ժամերին իրականացրել են պայմանական անօրինական զինված խմբավորումներին հայտնաբերելու առաջադրանքներ։Այս մասին նոյեմբերի 5-ին տեղեկացնում է ՌԴ ՊՆ կայքը։
Զինծառայողները հետախուզումն իրականացրել են անտառային և բարձրլեռնային ձյունապատ տեղանքում։ Վարժանքներին ներգրավվել են 100 զինծառայող, 20 միավոր զինտեխնիկա։
Վարժանքների ընթացքում զինծառայողները մշակել են նաև հետախուզական պահակախմբի կազմում գործելու, պայմանական հակառակորդի կապի միջոցները խափանելու, դարանակալելու և հարձակվելու մարտավարություն:
Հետախուզական ստորաբաժանումների դիպուկահարները իրենց հերթին յուրացրել են քողարկված շարժվելու, ճիշտ դիրքավորվելու հմտություններ։
Վարժանքներին առանձնապես ուշադրություն է դարձվել «Ստրելեց» հետախուզման, կապի և կառավարման համալիրի, ԳԼՈՆԱՍՍ արբանյակային նավիգացիոն համակարգի կիրառման հարցերին։