Նոյեմբերի 4-ին Իրանի մայրաքաղաք Թեհրանում «Համաշխարհային կեղեքման դեմ պայքարի» ազգային օրվա տոնակատարությունների շրջանակներում ցուցադրել են ցամաք-ցամաք դասի «Ղադր-Ֆ» բալիստիկ հրթիռը, որն ունի 2000 կմ հեռահարություն: Այս մասին տեղեկացնում է իրանական «Թասնիմ» լրատվական գործակալությունը:
«Ղադր» դասի հրթիռները արտադրվել են «Շահաբ-3» հրթիռների հիմքի վրա։ Հրթիռի մոդիֆիկացիաներից են «Ղադր-Ֆ», «Ղադր-Հ» , «Ղադր-Ս», «Ղադր-110» հրթիռները։
Թեհրանում ցուցադրել են «Ղադր-Ֆ» հեռահար հրթիռը
«Ղադր-Ֆ» հրթիռի զանգվածը 17460 կգ է, մարտական մասի զանգվածը՝ 650կգ, երկարությունը՝ 15,86մ, լայնությունը՝ 1,25մ, հեռահարությունը մինչև 2000 կմ։ Հրթիռը փորձարկվել է 2015թ. հունիսին և Իրանի հյուսիս-արևելքում գտնվող Քյավիրի անապատից արձակվել է դեպի Հնդկական օվկիանոս։
Նշենք, որ «Ղադր-Ֆ-ից» բացի 2000կմ հեռահարություն ունեցող իրանական հրթիռներից են «Խորամշահրը», «Սաջիլը»։
«Խորամշահրը» Իրանը ցուցադրել է 2017-ի սեպտեմբերի 22-ին՝ իրանա-իրաքյան պատերազմի հիշատակին նվիրված զորահանդեսի ժամանակ:
Իրանում նոյեմբերի 4-ին նշում են «Համաշխարհային կեղեքման դեմ պայքարի» օրը՝ ի հիշատակ 1979թ. նոյեմբերի 4-ին Թեհրանում ԱՄՆ դեսպանատան գրավման իրադարձության, ինչպես նաև 1978թ. նույն օրը հակաշահական ցույցերի ճնշման ժամանակ զոհված իրանցի ուսանողների ու աշակերտների:
Թեհրանում ցուցադրել են «Ղադր-Ֆ» հեռահար հրթիռը
Թեհրանում ցուցադրել են «Ղադր-Ֆ» հեռահար հրթիռը