Ռուսաստանի զինված ուժերի հարավային ռազմական շրջանի ստորաբաժանումները 2018թ. հոկտեմբերին անցկացնելու են խոշորամասշտաբ հրամանատարաշտաբային զորավարժություններ։ Այս մասին հայտարարել է ՌԴ ԶՈւ հարավային ռազմական շրջանի հրամանատար, գեներալ-գնդապետ Ալեքսանդր Դվորնիկովը։ Նոյեմբերի 3-ին փոխանցում է «ՌԻԱ նովոստի» լրատվական գործակալությունը՝ հղում անելով ՌԴ ՊՆ «Կռասնայա զվեզդա» թերթին։
Ռուսաստանի պաշտպանության նախարարության նոր ուսումնական տարվա համար (որը սկսելու է դեկտեմբերին 1-ին) առաջադրած առաջադրանքներին համապատասխան` շրջանի զորքերին սպասվում է նախևառաջ կատարելագործել ստորաբաժանումների դաշտային մարզումները և նրանց պատրաստումը 2018թ. հոկտեմբերի հրամանատարաաշտաբային զորավարժությունների գործնական գործողություններին,- ասել է Դվորնիկովը։
Ըստ Դվորնիկովի՝ ուսուցանման հիմքում դրվելու է Սիրիայում մարտական գործողություններ վարելու փորձը, օրինակ՝ «շահիդ-մոբիլների» դեմ պայքարի, «թունելային պատերազմի» մարտավարությունը։
Հավելենք, որ Հայաստանում տեղակայված ՌԴ ԶՈւ 102-րդ ռազմաբազան նույնպես մտնում է հարավային ռազմական շրջանի կազմում։