Հայաստան են այցելել ռուսական ինքնաթիռաշինական կորպորացիայի ներկայացուցիչներ

Հոկտեմբերի 30-ից նոյեմբերի 3-ը աշխատանքային այցով Հայաստան էր Ժամանել ռուսաստանյան ինքնաթիռաշինական «Կորպորացիա Իրկուտ» ընկերության պատվիրակությունը:

Այս մասին հայտնում է ՀՀ ՊՆ կայքը:

«Կորպորացիա Իրկուտի» ներկայացուցիչը և ՀՀ ՊՆ տեղակալ-Ռազմարդյունաբերական պետական կոմիտեյի նախագահ Դավիթ Փախչանյանը

«Կորպորացիա Իրկուտի» ներկայացուցիչը և ՀՀ ՊՆ տեղակալ-Ռազմարդյունաբերական պետական կոմիտեյի նախագահ Դավիթ Փախչանյանը

Այցի ընթացքում ընկերության ներկայացուցիչները հանդիպել են ՀՀ ՊՆ տեղակալ-Ռազմարդյունաբերության պետական կոմիտեի նախագահ Դավիթ Փախչանյանի և ՀՀ ԶՈւ գլխավոր շտաբի պետի տեղակալ, գեներալ-լեյտենանտ Ստեփան Գալստյանի գլխավորած խմբին:

Այցը կայացել է Հայ-ռուսական ռազմատեխնիկական համագործակցության միջկառավարական հանձնաժողովի 12-րդ նիստի արձանագրության կատարման շրջանակներում: Բանակցությունների արդյունքում ստորագրվել է համապատասխան արձանագրություն:

Նշենք, որ «Կորպորացիա Իրկուտի» գործարաններում արտադրվում են Սու-30ՍՄ և Սու-30ՄԿ կործանիչներ, ուսումնամարտական Յակ-130, Յակ-152 ինքնաթիռներ, ավիացիոն այլ տեխնիկա ևն:

Հիշեցնենք, որ 2015 թ. «Իրկուտ» ավիաշինական ընկերության տնօրեն Օլեգ Դեմչենկոն հայտարարել էր, որ իրենք բանակցում են Հայաստանին  ուսումնամարտական ինքնաթիռներ վաճառելու շուրջ:

Յակ-130-ը կարող է օգտագործվել նաև որպես թեթև գրոհիչ ինքնաթիռ:

  • Անձնակազմը՝ 1 կամ 2 հոգի,
  • Սպառազինությունը՝
    • 23մմ թնդանոթների կոնտեյներներ,
    • «օդ-օդ» և «օդ-մակերևույթ» դասի հրթիռներ,
    • առավելագույնը 3000կգ զանգվածով ռումբեր,
  • Առավելագույն արագությունը՝ 960կմ/ժ է,
  • Թռիչքի առավելագույն բարձրությունը՝ 12,5կմ,
  • Շահագործման ժամկետը՝ 12 հազար թռիչքային ժամ:
Յակ-130 ուսումնամարտական ինքնաթիռ

Յակ-130 ուսումնամարտական ինքնաթիռ

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *