Նոյեմբերի 1-ին ՌԴ ԶՈւ Տու-22Մ3 ռմբակոծիչները, օդ բարձանալով Ռուսաստանի տարածքից, հարվածել են Սիրիայի Դեր Զոր նահանգի Աբու Քեմալ քաղաքում «Իսլամական պետություն» ահաբեկչական խմբավորման թիրախներին: Այս մասին հայտնում են ՌԴ ՊՆ-ից:
Ավիահարվածներից տեսագրություն է հրապարակել նաև ՌԴ ՊՆ-ն:
#SYRIA Russian Tu-22M3 bombers hit terrorists’ objects near #Abu_Kamal, #Deir_ez_Zor provincehttps://t.co/N6MkA1g9IR pic.twitter.com/iNox8ngaUv
— Минобороны России (@mod_russia) November 1, 2017
Ըստ հաղորդագրության՝ ՌԴ ԶՈւ 6 Տու-22Մ3 ռմբակոծիչները, օդ բարձանալով Ռուսաստանի տարածքից և անցնելով Իրանի և Իրաքի օդային տարածքով, Դեր Զոր նահանգի Աբու Քեմալ քաղաքի մոտ հարվածներ են հասցրել ԻՊ հենակետերին և զինամթերքի պահեստներին: Ռմբակոծիչներին օդում ուղեկցել են Սիրիայի Հմեյմիմ ավիաբազայում տեղակայված Սու-30ՍՄ կործանիչները:
Հիշեցնենք, որ հոկտեմբերի 31-ին նաև Միջերկրական ծովից ՌԴ ԶՈւ Սևծովյան նավատորմի «Վելիկի Նովգորոդ» սուզանավից «Կալիբր» թևավոր հրթիռներ են արձակվել նույն Աբու Քեմալում ԻՊ դիրքերին: