Սիրիական Հալեպ քաղաքը ականազերծող ռուս սակրավորները շուրջ 3 ամսյա աշխատանքներից հետո վերադարձել են Ռուսասատան։ Աշխատանքների ընթացքում վնասազերծվել է 36000 պայթյունավտանգ առարկա։ Այս մասին փետրվարի 21-ին հայտնում է ռուսաստանյան «ՌԻԱ նովոստի» լրատվական գործակալությունը։
«Ական չկա». ռուսաստանցի ականազերծող զինծառայողի գրառումը Հալեպի շենքերից մեկի պատին
Սակրավորները 2,5 ամսվա ընթացքում ականազերծել են 2956 հեկտար տարածք, 945 կմ ճանապարհ, 4500-ից ավելի շինություն։
Սակրավորները ազատագրված Հալեպը ականազերծելու համար Սիրիա էին մեկնել 2016-ի դեկտեմբերին։
ՌԴ ԶՈւ միջազգային հակաականային կենտրոնում կայացել է սակրավորներին դիմավորելու հանդիսավոր արարողությունը։ Ավելի քան 30 զինծառայող ստացել է պետական և գերատեսչական պարգևներ։
Հիշեցնենք, որ 2016-ի դեկտեմբերի 15-ին հայտնի դարձավ, որ Սիրիայի կառավարական բանակը զինյալներից ամբողջությամբ ազատագրել է Հալեպ քաղաքի 105 թաղամասերը՝ ընդհանուր առմամբ 78,5 քառ. կմ տարածք, ինչից հետո սկսվել էր զինյալների տարհանումը։