Փետրվարի 9-ին ՀՀ պաշտպանության նախարար Վիգեն Սարգսյանն ընդունել է Հայաստանում Գերմանիայի դեսպան Մաթիաս Քիսլերին և քննարկել հայ-գերմանական երկկողմ պաշտպանական համագործակցության հարցեր: Այս մասին տեղեկացնում է ՀՀ ՊՆ կայքը։
Հայաստանի պաշտպանության նախարարի և Հայաստանում Գերմանիայի դեսպանի հանդիպումը
Անդրադարձ է կատարվել փոխադարձ հետաքրքրության ներկայացնող տարբեր բնագավառներում փորձի փոխանակման, Գերմանիայի ռազմաուսումնական հաստատություններում Հայաստանի զինծառայողների կրթության ու վերապատրաստման, Աֆղանստանում իրականացվող ՆԱՏՕ-ի առաքելությանը համատեղ մասնակցության խնդիրներին:
Քննարկվել են նաև տարածաշրջանային անվտանգությանն առնչվող հարցեր:
Հիշեցնենք, որ Հայաստանի խաղաղապահ ստորաբաժանումն Աֆղանստանում «Վճռական աջակցություն» առաքելությանը մասնակցում է հենց Գերմանիայի ավելի խոշոր զորախմբի հրամանատարության տակ։
Աֆղանստանի առաքելությանը մեկնելուց առաջ հայաստանցի խաղաղապահներն ամեն անգամ երեքշաբաթյա վերապատրաստման վարժանքներ են անցնում Գերմանիայում․ հունվար–փետրվար և հունիս–հուլիս ամիսներին:
Հայ խաղաղապահը Գերմանիայում տեղակայված ամերիկյան զորախմբում մարզումների ժամանակ (արխիվ)