Հայտնի է դարձել Ադրբեջանի ՊՆ թաքցրած երկու կորստի մասին

Սեպտեմբերի 17-ին Ադրբեջանի Զաքաթալայի շրջանային դատախազությունից հայտնել էին, որ 18-ամյա Ալիև Իսա Ալլահվերդի օղլուն (İsa Allahverdi oğlu Əliyev) իր տանն ինքնասպան է եղել։ Պարզվում է, որ Իսան զինծառայող էր, և սպանվել է ծառայության վայրում։ Իսայի զինծառայող լինելու և ծառայության վայրում սպանվելու մասին հայտնել է նրա համագյուղացի մոտ ընկերներից մեկը՝ ադրբեջանական BIG լրատվակայքին տված մեկնաբանությունում։

Ադրբեջանի ԶՈւ սպանված զինծառայող Ալիև Իսա Ալլահվերդի օղլուն (İsa Allahverdi oğlu Əliyev)

Ալիև Իսան Ադրբեջանի զինված ուժեր է զորակոչվել 2016 թ․ հուլիսին՝ Զաքաթալային շրջանային զինկոմիսարիատից։ Սեպտեմբերի 16-ին զորամասից զանգահարել են նրա հորը և հայտնել, որ Իսան մահացել է։ 17-ին նրան հուղարկավորել են։ Զորամասում զինծառայողի սպանվելու մասին մանրամասներ չկան։

Չնայած այս հանգամանքին՝ Ադրբեջանում փորձել են զինծառայողի մահը թաքցնել՝ նրան ներկայացնելով որպես քաղաքացիական, ով իր տանն ինքնասպան է եղել։ Սա խոսում է նրա մասին, որ նույն եղանակով Ադրբեջանում կարող էին թաքցնել նաև այլ զինծառայողների մահվան փաստեր, որոնց մասին տվյալներ չեն հայտնվել այնուհետև։

Սեպտեմբերի 21-ին Ադրբեջանական Meydan.tv ընդդիմադիր լրատվակակայքի համակարգող Հաբիբ Աբդուլլաևն իր հերթին հայտնել է, որ Ադրբեջանի ՊՆ-ն թաքցրել է նաև 2016-ի օգոստոսին Նախիջևանի Օրդուբադի շրջանի զորամասերից մեկում զինծառայող Յուսիֆ Մեմեդովի (Məmmədov Yusif) սպանության մասին։ վերջինիս վերաբերյալ պնդում են, որ ինքնասպան է եղել, սակայն Աբդուլլաևը հայտնում է, որ նա «դեդովշինայի» զոհ է գնացել։

Ադրբեջանի ԶՈւ սպանված զինծառայող Ալիև Իսա Ալլահվերդի օղլուն (İsa Allahverdi oğlu Əliyev)

Նշենք, որ 2016 թ. սա Ադրբեջանի զինված ուժերում և պաշտպանական համակարգի այլ կառույցներում տեղ գտած և հայտնի դարձած մահացու ելքով 138-րդ դեպքն է, որը կարողացել է արձանագրել Ռազմինֆոն։

Ադրբեջանի ԶՈւ կորուստների մասին ավելի մանրամասն կարող եք ընթերցել այս հղումով: