Իրանը զորահանդեսում ցուցադրել է Ռուսաստանից գնած Ս-300 ԶՀՀ-ները

Այսօր` սեպտեմբերի 21-ին, Իրանի մայրաքաղաք Թեհրանում և նավահանգիստային քաղաք Բանդար Աբասում իրանա-իրաքյան պատերազմի հիշատակին նվիրված  զորահանդես է անցկացվել:

Զորահանդեսի ընթացքում ցուցադրվել են Ռուսաստանի ` Իրանին մատակարարած Ս-300 և իրանական արտադրության «Բավար-373» զենիթահրթիռային համալիրները: Հայտնում է իրանական «Թասնիմ» լրատվական գործակալությունը:

Ռուսաստանի` Իրանին մատակարարած Ս-300 ԶՀՀ-ները Թեհրանում զորահանդեսի ժամանակ

Ցուցադրվել են նաև ռազմական տեխնիկայի այլ նմուշներ, այդ թվում՝ «Էմադ» հրթիռները (ունեն  գործողության  1650 կմ շառավիղ), «Խաթամ -5», «Խաթամ-7» ՀՕՊ համակարգերը:

Միաժամանակ  Բանդար Աբասում  ցուցադրվել են իրանական արտադրության «Զուլֆագար» զենիթահրթիռային համալիրները, ՍՈւ-22 կործանիչները: Հայտնում է իրանական  «ՖԱՐՍ» լրատվական գործակալությունը:

Հիշեցնենք, որ  Իրանը արդեն ստացել  է  Ս-300 համակարգեր գնելու մասին պայմանագրով նախատեսված  համակարգերի կեսը:

Իրանական արտադրության «Զուլֆագար» զենիթահրթիռային համակարգը, լուսանկարը ` «Թասնիմ» գործակալության

Իրանական արտադրության «Խալիջ է Ֆարս» զենիթահրթիռային համակարգը,

Իրանի ԶՈւ ստորաբաժանումը քողամուշտակներով