Թուրքիան Գերմանիայում ավիացուցահանդեսի է մասնակցել

Թուրքիան մասնակցել է Բեռլինում անցկացված ILA-2014 ավիացուցահանդեսին, որը կազմակերպվում է երկու տարին մեկ անգամ և ներառում է ինչպես ռազմական, այնպես էլ քաղաքացիական ավիացիան։

Թուրքական տաղավարը՝ ILA-2014-ում

Ավիացուցահանդեսին այս տարի մասնակցել է 40 երկրի 1200 ընկերություն։ Թուրքիան ցուցահանդեսի ռազմական հատվածում ներկայացրել է Թուրքիայի պաշտպանության նախարարությանը կից ռազմարդյունաբերական քարտուղարությունը։

Թուրքական տաղավարը գործել է մայիսի 20-25-ը։ Թուրքիան ընդհանուր առմամբ ներկայացել է 17 ընկերությունով, որոնց թվում եղել են ինչպես ռազմական, այնպես էլ քաղաքացիական ավիացիայի ոլորտում մասնագիտացված ձեռնարկություններ։

Բացի այդ, Թուրքիան ավիացուցահանդեսին մասնակցել է «գործընկեր երկիր» կարգավիճակով։

Ռազմական ոլորտից Թուրքիան ներկայացրել է TAI, ROKETSAN, HAVELSAN, TUBITAK ընկերությունները։