Թուրքիայի զինված ուժերը հունիսի 21-ից հուլիսի 3-ն անցկացնում է «Լույս-2013» խոշոր զորավարժությունը։
Այս մասին Ռազմինֆոն ավելի վաղ տեղեկացրել էր։ Այժմ հայտնի են դարձել զորավարժության վերաբերյալ որոշ մանրամասներ։
Մասնավորապես, զորավարժության ժամանակ անցկացվելու է «Ճանկ-2013» կրակային վարժանքը, որի ժամանակ օգտագործվելու են մարտական փամփուշտներ, արկեր և ռումբեր, գործի է դրվելու ավիացիան։
Ըստ թուրքական լրատվամիջոցների՝ զորավարժության այս հատվածին կարող է ներկա լինել նաև Թուրքիայի նախագահ Աբդուլլահ Գյուլը։
Հիշեցնենք, որ «Լույս-2013/1» զորավարժությանը մասնակցում են Թուրքիայի ԶՈւ ցամաքային զորքերի, օդուժի ստորաբաժանումներն ու գլխավոր շտաբի հրամանատարական կազմը։ Այն անց է կացվում Քոնիայի կործանիչների երրորդ ավիաբազայում։
Հունիսի 26-ին զորավարժությունը բաց է լինելու լրատվամիջոցների ներկայացուցիչների համար։