Սեպտեմբերի 16-ին Թուրքիայի անվտանգության գլխավոր տնօրինության (ոստիկանության) ստորաբաժանումները հակաահաբեկչական գործողություններ են իրականացրել Ստամբուլ նահանգում: Այս մասին հայտնում է թուրքական «Հյուրիեթ» պարբերականի կայքը:
Ստամբուլ քաղաքում անվտանգության ուժերը հատոևկ գործողություն են իրականացրել. (արխիվ)
Գործողությունների արդյունքում ձերբակալվել է այլ երկրների 73 քաղաքացի, ևս ևս 1 Թուրքիայի քաղաքացի, որոնք կասկածվում են «Իսլամական պետություն» ահաբեկչական խմբավորմանը անդամակցելու և նրանց աջակցելու մեջ:
Հիշեցնենք, որ 2017-ի մարտի վերջին Թուրքիայում ձերբակալվել էր նաև «Իսլամական պետության» պարագլուխներից Սաֆուան Քահուաթը, ով զբաղվում էր Եվրոպայից նոր անդամների հավաքագրումով և նրանց մարզելով:
Թուրքիան ԻՊ-ին անդամակցել ցանկացողների համար հիմնական տարանցիկ ճանապարհն է: Այստեղ պարբերաբար ԻՊ հետ համագործակցող անձինք են ձերբակալվում, այդ թվում` նաև Ադրբեջանի քաղաքացիներ։
Թուրքիայի ներքին գործերի նախարարության 2017-ի հուլիսին հրապարակած զեկույցի համաձայն՝ 2011 թվականին մինչև 2017թ. հուլիս Թուրքիայի տարբեր սահմաններից պատերազմական գոտիներ անցնել ցանկացող 99 երկրների մոտ 5000 քաղաքացի է արտաքսվել Թուրքիայից: Նրանցից 252-ը եղել են Ադրբեջանի քաղաքացիները: