Թուրքիայում ձերբակալվել է «Իսլամական պետություն» ահաբեկչական խմբավորման պարագլուխներից Սաֆուան Քահուաթը, ով զբաղվում էր Եվրոպայից նոր անդամների հավաքագրումով և նրանց մարզելով: Այս մասին հայտնում է թուրքական պետական «Անադոլու» լրատվական գործակալությունը:
Թուրքիայում ձերբակալված ԻՊ պարագլուխներից Սաֆուան Քահուաթը
Քահուաթը ձերբակալվել է Ադանայի նահանգում Ադանայի ոստիկանության և Թուրքիայի ազգային հետախուզության կազմակերպության համատեղ գործողության արդյունքում:
Նշվում է, որ Եվրապա մեկնելու նպատակով Քահուաթը մարտի 15-ին Հաթայի շրջանից Թուրքիա էր մտել կնոջ հետ միասին, ում արդեն արտաքսել են Թուրքիայից:
Քահուաթի մոտ գտնված էլեկտրոնային կրիչներում հայտնաբերվել են ԻՊ-ի հետ նրա կապը հաստատող տեղեկություններ, մասնավորապես՝ պատանդ պահելու լուսանկարներ: