ԱՄՆ կենտրոնական հրամանատարության (CENTCOM) ղեկավար, գեներալ Լլոյդ Օսթինի գլխավորած պատվիրակությունը սիրիացի ապստամբներին մարզելու և զինելու թուրք-ամերիկյան համատեղ ծրագրի կազմակերպման համար մարտի 11-ին մեկնել է Թուրքիայի Քիրշեհիր կենտրոնական նահանգ: Համաձայն թուրքական «Անադուլու» պետական լրատվական գործակալության տեղեկության՝ որոշվել է, որ «Սիրիայի Ազատ բանակ» (ՍԱԲ) զինված խմբավորման զինյալների շուրջ 300 հոգանոց առաջին խումբը Քիրշեհիրի Քամանի շրջան կժամանի մինչև մարտի 15-ը:
Նախատեսվում է, որ մարզումներից հետո ՍԱԲ զինյալները կռվելու են «Իսլամական պետություն» ահաբեկչական կազմակերպության, ինչպես նաև Ասադի կառավարության դեմ:
Հիշեցնենք, որ ԱՄՆ-ն և Թուրքիան Սիրիայում կռվող մի շարք խմբավորումների զինյալների համար մարզումներ կազմակերպելու և ռազմական օգնություն տրամադրելու վերաբերյալ համաձայնագիրը ստորագրել են 2015-ի փետրվարի 19-ին: Ծրագրի մասին մանրամասն կարող եք կարդալ այստեղ:
Հավելելնք նաև, որ գեներալ Օսթինը եղել է նաև մայրաքաղաք Անկարայում և նաև հանդիպել է Թուրքիայի ԶՈւ ԳՇ պետ, գեներալ Նեջդեթ Օզելին:
Pingback: ԱՄՆ-ն կարող է հարվածային ԱԹՍ-ներ տեղակայել թուրքական ավիաբազայում | Ռազմ.info