Տաջիկստանում տեղակայված ՌԴ ԶՈւ 201-րդ ռազմաբազայի զինծառայողները և Տաջիկստանի ԶՈւ-ն մարտի 27-30 հակահաբեկչական համատեղ զորավարժություն կանցկացնեն։ Այս մասին մարտի 24-ին տեղեկացնում է ռուսաստանյան «ՏԱՍՍ» լրատվական գործակալությունը։
Վարժանքներն անցկացվելու են Տաջիկստանի ԶՈւ «Հարբմայդոն», «Մոմիրակ», «Մասկովսկիյ» և 201-րդ ռազմաբազայի «Լյաուր», «Սամբուլի» զորավարժարաններում։
ՌԴ ուժայիններ
Տաջիկստանի ԶՈւ-ից զորավարժությանը ներգրավվելու են մոտոհրաձգային և դեսանտագրոհային բրիգադները, ինչպես նաև ավիացիա։
Տաջիկստանում հակաահաբեկչական զորավարժություններ անցկացվում են պարբերաբար, ինչը պայմանավորված է նրանով, որ Տաջիկստանը հարավում անմիջապես սահմանակից է Աֆղանստանին, ինչն էլ մտահոգություն է առաջացնում, որ Աֆղանստանից կարող են ներխուժել «Թալիբանի» և «Իսլամական պետության» զինյալները:
Նշենք, որ Ռուսաստանը հակաահաբեկչական ակտիվ պայքար է մղում Հյուսիսային Կովկասում, որտեղ բնակչությունը հիմնականում մուսուլմաններ են, ինչը նպաստում է «Իսլամական պետություն» ահաբեկչական խմբավորման գաղափարների տարածմանը։