Իրանի բանակի ցամաքային ուժերը երկրի հարավ-արևելքում անցկացված «Մուհամմադ ռասուլ Ալլահ-4» զորավարժության ժամանակ կիրառել են տեղական արտադրության «Բահման» զենիթային ինքնագնաց կայանը: Այս մասին դեկտեմբերի 14-ին տեղեկացնում է իրանական «Դեֆապռես» լրատվական կայքը:
«Բահման» զենիթային ինքնագնաց կայանքը առաջին անգամ ներկայացվել է 2016թ. ապրիլին: Այն տեղադրված է ուկրաինական ԿռԱԶ-6322 բեռնատար մեքենայի վրա, զինված է 57մմ տրամաչափի 2 հրանոթով: Արկի սկզբնական արագությունը 1000մ/վ է, 1 րոպեում արձակում է 120 արկ:
Իրանական արտադրության «Բահման» զենիթային ինքնագնաց կայանք
Դեկտեմբերի 11-14-ը անցկացված «Մուհամմադ ռասուլ Ալլահ-4» զորավարժությանը ներգրավված էին հատուկ նշանակության, արագ արձագանքման, օդադեսանտային ուժեր, հրետանային, զրահատանկային ստորաբաժանումներ, Bell 206, Bell 214, Bell AH-1 Cobra ուղղաթիռներ, «Միրաժ» և «Ֆանտոմ» կործանիչներ, անօդաչու թռչող սարքեր:
Զորավարժության ընթացքում Իրանը ներկայացրել է նաև նոր սպառազինություն, մասնավորապես՝ անօդաչու թռչող սարքեր, հակադրոնային համակարգ, դիպուկահար հրացաններ:
Զորավարժության նպատակը զինծառայողների մարտական պատրաստվածությունը ստուգելը, մարտական հմտությունները ամրապնդելն էր:
ՍՎԴ դիպուկահար հրացանի իրանական տարբերակը
Անօդաչու թռչող սարքերի կապի խանգարման՝ իրանական արտադրության կրովի կայան
