«Լյուբավա-Արմենիա» ընկերության՝ զրահատեխնիկայի համար նախատեսված ջերմաքողարկիչ ցանցերը զորային փորձարկումներ են անցնում հայկական զինված ուժերում: Այս մասին ընկերության ներկայացուցիչը Ռազմինֆոյին հայտնել է ArmHiTec-2016 ցուցահանդեսի ժամանակ:
«Լյուբավա-Արմենիա» ընկերության ջերմաքողարկիչ ցանցով ծածկված Տ-72 տանկը ArmHiTec-2016 ցուցահանդեսի ժամանակ
Ջերմաքողարկիչ ցանկը տանկը ծածկում է ամենայն մանրամասնությամբ
Նման քողարկացանցերից մեկը ծածկում էր հենց ցուցահանդեսի մուտքի մոտ կայանած Տ-72 տանկը: Ցանցը թույլ է տալիս տանկը քողարկել ինչպես աչքի համար, այնպես էլ ջերմացույց սարքերի համար:
Բացի այդ, ընկերության ներկայացուցիչը նշել է, որ իրենց արտադրած բազմանպատակային քողարկման ցանցերն արդեն կիրառվում են զորքերում:
«Լյուբավա-Արմենիա» ընկերությունը ArmHiTec-2016 ցուցահանդեսին ներկայացրել էր նաև զրահաբաճկոններ, որոնք, ըստ ընկերության ներկայացուցչի, հնարավոր է ընդունվեն ՀՀ ԶՈւ սպառազինության մեջ:
«Լյուբավա-Արմենիա» ընկերության արտադրած զրահաբաճկոնները
«Լյուբավա-Արմենիա» ընկերության կեղծ հետևակի մարտական մեքենան
Ցուցահանդեսին ընկերությունն իր տաղավարը բացազատել էր հենց սեփական արտադրության վրանի մեջ, որոնցից նույնպես օգտագործում են հայկական բանակում: Իսկ վրան-տաղավարի կողքին էլ ներկայացված էր ԲՄՊ-1 հետևակի մարտական մեքենայի նմանությամբ կեղծ թիրախ:
Նշենք, որ «Լյուբավա-Արմենիա» հայ-լեհական համատեղ ռազմարդյունաբերական ձեռնարկությունը բացվել է 2014-ի հոկտեմբերին։ Ձեռնարկությունը զբաղվում է արտադրական օբյեկտների արդիականացմամբ և նորոգմամբ, ինչպես նաև արտադրում է կեղծ թիրախներ, վրաններ, սաղավարտներ, զրահաբաճկոններ, քողարկող ցանցեր ու ռազմական նշանակության այլ գույք:
Pingback: Հաջորդ АrmHiTec ցուցահանդեսը կլինի 2018 թվականին | Ռազմ.info
Pingback: Ռազմաշաբաթ. Հայաստան. 23 – 29 հոկտեմբերի, 2016 | Ռազմ.info