Հոկտեմբերի 4-ից ՊԲ շտաբում և ենթակա մի շարք զորամասերում ՀՀ գլխավոր ռազմական տեսուչ, գեներալ-գնդապետ Միքայել Հարությունյանի ղեկավարությամբ մեկնարկել են տեսչական ստուգումներ։ Այս մասին հայտնում է Արցախի ՊԲ կայքը։
Տեսչական ստուգումների նպատակն է եղել ունենալ կառույցների մարտական պատրաստականության իրական պատկերը, ստուգել դրանց ունակությունները առաջադրված ուսումնամարտական խնդիրների կատարման առումով:
Տեսչական հանձնաժողովները առավել մեծ ուշադրություն են դարձրել ստուգվողների՝ մարտական խնդիրների հետ ուղղակի առնչություն ունեցող և ապրիլյան գործողություններից հետո առաջին պլան մղված հարցերի վրա:
Այս համատեքստում իրականացված ծավալուն գործընթացները ներկայացրել է ՊԲ հրամանատար, գեներալ-լեյտենանտ Լևոն Մնացականյանը՝ հանգամանորեն անդրադառնալով նաև այն միջոցառումների ու աշխատանքների վրա, որոնք իրականացվել և շարունակում են իրականացվել։
Pingback: Ռազմաշաբաթ. Հայաստան. 2 – 8 հոկտեմբերի, 2016 | Ռազմ.info