Օգոստոսի 1-ին Վրաստանի վարչապետ Գեորգի Կվիրիկաշվիլին Վրաստանի պաշտանության նախարարի պաշտոնին նշանակել է պետանվտանգության ծառայության պետի տեղակալ Լևան Իզորիային: Այս մասին տեղեկացնում է վրացական «Interpress news» լրատվակայքը:
Վրաստանի պաշտպանության նոր նախարար Լևան Իզորիան
Նշենք, որ Իզորիան նախկինում եղել է Վրաստանի ՆԳՆ ակադեմիայի ռեկտոր, ներքին գործերի փոխնախարար, իսկ նրա վերջին պաշտոնը եղել է` Վրաստանի պետական անվտանգության ծառայության պետի տեղակալ:
Վրաստանի պաշտպանության նոր նախարարն արդեն այցելել է գերատեսչություն, երկրի վարչապետի հետ համատեղ հանդիպումներունեցել ԶՈւ ԳՇ ներկայացուցիչների, նախարարության դեպարտամենտների ղեկավարների հետ: Հանդիպման ընթացքում Իզորիան հայտարարել է.
«Հիմնական առաջնությունը կտրվի ողջամիտ քաղաքականությանը: Դա առաջին հերթին ենթադրում է խաղաղության և անվտանգության ապահովում, իսկ երկրորդ հերթին՝ մեր պաշտպանական կարողությունների հավասարաչափ զարգացման միջոցով սպառնալիքների և ռիսկերի զսպումը, ինչպես նաև Եվրոպական կառույցներին ինտեգրացիան»:
Մինչ այս Վրաստանի պաշտպանության նախարարը Թինաթին Խիդաշելին էր, ով 2016-ի աշնանն անցկացվելիք Վրաստանի խորհրդարանական ընտրությունների նախընտրական քարոզարշավին մասնակցելու նպատակով հրաժարական էր տվել զբաղեցրած պաշտոնից:
Հոդվածի հեղինակ՝ Զեմֆիրա Եգանյան
Pingback: Վրաստանի ռազմական ոլորտում 2016-ի կարևորագույն իրադարձությունները | Ռազմ.info