Ռուսաստանի զինված ուժերի արևմտյան ռազմական շրջանի տանկային միավորման բազայում սկսել են ռուսաստանյան ԶԼՄ-ների ներկայացուցիչների հավաքներ: Այս մասին հայտնում է ՌԴ ՊՆ մամուլի ծառայությունը:
ՌԴ ՊՆ կազմակերպած զորավարժությանը մասնակցող լրագրողները «կրակոցներից» պատսպարվել են հետևակի մարտական մեքենայի հետևում
Հուլիսի 17-24-ին արևմտյան ռազմական շրջանի տանկային դիվիզիայի բազայում անցկացվում են զանգվածային լրատվամիջոցների ներկայացուցիչների՝ ճգնամային իրավիճակներում աշխատելու «Բաստիոն» ուսումնագործնական կուրսեր:
Պարապմունքների անցկացման ընթացքում կքննարկվեն լրագրողների աշխատանքի յուրահատկությունները մարտական գործողությունների անցկացման, զանգվածային անկարգությունների, բնական աղետների և տարատեսակ արտակարգ դրությունների ընթացքում:
ՌԴ ՊՆ կազմակերպած զորավարժության ընթացքում լրագրողները մասնակցում են վիրավորի տարհանմանը
Ուսումնագործնական կուրսերին ներգրավված է 30 լրագրող Ղրիմից, Վորոնեժի, Կուրսկի, Ռոստովի, Սմոլենսկի, Չելյաբինսկի շրջաններից, ինչպես նաև Մոսկվայից: Ռուսաստանում նմանատիպ մեդիազորավարժությունները անցկացվում են 2006 թվականից, ամեն տարի:
Նշենք, որ այս տարվա հուլիսի սկզբին նմանատիպ մեդիազորավարժություն անցկացրել է նաև Վրաստանի պաշտպանության նախարարությունը: