Տաքսու վարորդի նկատմամբ ավազակային հարձակում կատարելու համար, 2 կուրսանտի մեղադրանքներ են առաջադրվել ՀՀ քրեական օրենսգրքի ՀՀ քրեական օրենսգրքի 175-րդ հոդվածի 2-րդ մասի 1-ին և 4-րդ կետերով և 183-րդ հոդվածի 3-րդ մասի 3-րդ կետով։ Այս մասին տեղեկացնում է ՀՀ Քննչական կոմիտեի կայքը:
ՀՀ քննչական կոմիտե
Նախնական քննության տվյալներով՝ 4-րդ կուրսի 2 կուրսանտ 2016թ. հունիսի 1-ին՝ ժամը 23:15-ի սահմաններում, Երևանից Գյումրի մեկնելու պատրվակով նստել են Երևան քաղաքի բնակիչ Է.Բարսեղյանի անձնական օգտագործման «Մերսեդես-Բենս» մակնիշի ավտոմեքենան, որը շահագործվել է որպես տաքսի։ Հունիսի 2-ին՝ ժամը 00:05-ի սահմաններում, Երևան-Գյումրի ավտոճանապարհի Լանջիկ գյուղի հատվածում կուրսանտները, ըստ քրեական գործով ձեռք բերված տվյալների, դանակներն օգտագործելով որպես զենք, հարձակվել են Է.Բարսեղյանի վրա, վերջինիս կյանքի և առողջության համար վտանգավոր բռնություն գործադրելու սպառնալիքով նրանից հափշտակել ոսկյա մատանի, ոսկյա շղթա, կանխիկ գումար, որից հետո նրան թողնելով դեպքի վայրում՝ նշված ավտոմեքենայով հեռացել:
Ձորակապ գյուղի մոտակայքում կորցնելով ավտոմեքենայի կառավարումը՝ դուրս են եկել ճանապարհի բանուկ մասից և տեղում թողնելով ավտոմեքենան՝ ոտքով շարունակել ճանապարհը:
Քննիչը միջնորդություն է ներկայացրել դատարան՝ նրանց նկատմամբ որպես խափանման միջոց կալանավորումը կիրառելու վերաբերյալ, ինչ բավարարվել է։
Հիշեցնենք, որ կուրսանտները ձերբակալվել էին հունիսի 3-ին: