Չեխիայի պաշտպանության նախարար Մարտին Ստրոպնիցկու հրավերով պաշտոնական այցով հոկտեմբերի 12-ին Չեխիայի Հանրապետություն է մեկնել ՀՀ պաշտպանության նախարար Սեյրան Օհանյանի գլխավորած պատվիրակությունը։ Այս մասին հայտնում է ՀՀ ՊՆ մամուլի ծառայությունը։
ՀՀ պաշտպանության նախարար Սեյրան Օհանյան
Հաղորդագրությունում նշվում է, որ այցի ընթացքում նախատեսվում են պաշտոնական հանդիպումներ Չեխիայի պաշտպանության նախարարի և այլ պաշտոնյաների հետ, ինչպես նաև այցելություններ պաշտպանական համալսարան և ռազմարդյունաբերական ձեռնարկություններ։
Նկատենք, որ Չեխիա մեկնող հայկական պատվիրակության օրակարգում, թերևս, բավական ուշագրավ է հենց ռազմական արդյունաբերության ձեռնարկություններ այցելությունը։ Թե ինչ գործնական արդյունքներ կտա դա Հայաստանին՝ գուցե պարզ դառնա բուն այցելությունների լուսաբանման ժամանակ։
Pingback: Ռազմաշաբաթ․ Հայաստան․ 11 — 17 հոկտեմբերի, 2015 | Ռազմ.info