Ռուսաստանում անցկացվող Տանկային բիաթլոնի անհատական մրցույթի երկրորդ շրջափուլում՝ մասնակից երկրների երկրորդ անձնակազմերի պայքարում Հայաստանի անձնակազմը երրորդ տեղն է զբաղեցրել, նույն տեղը, որ առաջին թիմերի պայքարում նախօրեին զբաղեցրել էր հայկական առաջին թիմը:
Տանկային բիաթլոնի C խմբի մրցմանը Հնդկաստանի և Չինաստանի տանկիստներին հաղթելուց հետո հայ տանկիստները ծածանում են հայկական եռագույնը
Օգոստոսի 4-ին Հայաստանի երկրորդ թիմի տանկիստները մրցել են երրորդ խմբում ընդգրկված երկրների՝ Հնդկաստանի և Չինաստանի թիմերի հետ: Երրորդ՝ C խումբը սպորտային լեզվով իրավամբ կարելի է անվանել «մահվան խումբ», որովհետև այս թիմերի պայքարը շատ թեժ է ընթանում, և երկրների երկրորդ անձնակազմերի գրանցած արդյունքների տարբերություններն ընդամենը տասնյակ վայրկյաններ են եղել: 29 րոպե 4 վայրկյան արդյունքով Հայաստանն իր խմբում գրավել է առաջին տեղը, 10 վայրկյան ուշացումով և 29 րոպե արդյունքով երկրորդ տեղում է հայտնվել Հնդկաստանը, իսկ նրանից 12 վայրկյան ավելի ուշ վերջնագծին են հասել Չինաստանի տանկիստները՝ արձանագրելով 29 րոպե 26 վայրկյան արդյունք և խմբում գրավելով երրորդ տեղը:
Բոլոր 13 երկրների երկրորդ թիմերի հաշվարկով՝ Հայաստանը զիջել է Ռուսաստանի (26ր 32վ) և Սերբիայի (28ր 52վ) երկրորդ թիմերին: Երկրորդ թիմերի մրցույթից հետո մրցաշարային աղյուսակը դասավորվել է հետևյալ հերթականությամբ.
| 1. | Ռուսաստան | 26ր 32վ |
| 2. | Սերբիա | 28ր 52վ |
| 3. | Հայաստան | 29ր 04վ |
| 4. | Հնդկաստան | 29ր 14վ |
| 5. | Չինաստան | 29ր 26վ |
| 6. | Ղազախստան | 30ր 25վ |
| 7. | Ղրղզստան | 32ր 48վ |
| 8. | Մոնղոլիա | 33ր 16վ |
| 9. | Քուվեյթ | 34ր 21վ |
| 10. | Տաջիկստան | 36ր 34վ |
| 11. | Անգոլա | 37ր 52վ |
| 12. | Վենեսուելա | 38ր 57վ |
| 13. | Նիկարագուա | 44ր 04վ |
Հայկական թիմի կազմում եղել են լեյտենանտ Նարեկ Դանիելյանը (հրամանատար), շարքային Էդգար Մնացականյանը (նշանառու օպերատոր) և շարքային Սևակ Նիկողոսյանը (մեխանիկ-վարորդ):
Օգոստոսի 4-ի մրցումներից հետո արդեն հայտնի են 13 երկրների առաջին և երկրորդ տանկային անձնակազմերի արդյունքները, և այս 26 անձնակազմերի ընդհանուր պայքարում Հայաստանի առաջին և երկրորդ անձնակազմերը զբաղեցրել են համապատասխանաբար 8-րդ և 5-րդ տեղերը: Իսկ 26 թիմերի ընդհանուր մրցաշարային աղյուսակն ունի այս տեսքը.
| 1. | Ռուսաստան (2) | 26ր 32վ |
| 2. | Ղազախստան (1) | 27ր 19վ |
| 3. | Ռուսաստան (1) | 28ր 31վ |
| 4. | Սերբիա (2) | 28ր 52վ |
| 5. | Հայաստան (2) | 29ր 04վ |
| 6. | Հնդկաստան (2) | 29ր 14վ |
| 7. | Չինաստան (2) | 29ր 26վ |
| 8. | Հայաստան (1) | 29ր 47վ |
| 9. | Ղազախստան (2) | 30ր 25վ |
| 10. | Չինաստան (1) | 30ր 31վ |
| 11. | Հնդկաստան (1) | 31ր 07վ |
| 12. | Ղրղզստան (2) | 32ր 48վ |
| 13. | Մոնղոլիա (2) | 33ր 16վ |
| 14. | Քուվեյթ (2) | 34ր 21վ |
| 15. | Սերբիա (1) | 34ր 41վ |
| 16. | Ղրղզստան (1) | 35ր 19վ |
| 17. | Տաջիկստան (2) | 36ր 34վ |
| 18. | Անգոլա (2) | 37ր 52վ |
| 19. | Վենեսուելա (2) | 38ր 57վ |
| 20. | Քուվեյթ (1) | 40ր 03վ |
| 21. | Տաջիկստան (1) | 42ր 59վ |
| 22. | Նիկարագուա (2) | 44ր 04վ |
| 23. | Նիկարագուա (1) | 48ր 56վ |
| 24. | Վենեսուելա (1) | 52ր 45վ |
| 25. | Մոնղոլիա (1) | 60ր 49վ |
| 26. | Անգոլա (1) | 62ր 19վ |
Ավելացնենք, որ Տանկային բիաթլոնն այս տարի ընդգրկված է առաջին անգամ անցկացվող «Միջազգային բանակային խաղեր» մրցաշարի մեջ: Բիաթլոնին մասնակցում է 13 երկիր, որոնց թվում և Հայաստանը:
Տանկային բիաթլոնի մասին ավելի մանրամասն կարող եք կարդալ «Այն ամենը, ինչ պետք է իմանալ տանկային բիաթլոնի մասին» հոդվածում:
Pingback: Ռազմաշաբաթ․ Հայաստան․ 2-8 օգոստոսի, 2015 | Ռազմ.info