Թուրքիայի Հաքքարի նահանգի Շեմդինլի գավառի Դերեջեք ավանում տեղակայված զորամասերից մեկում մարտի 15-ին զինծառայող է ինքնասպան եղել։ Նույն օրը Շեմդինլիի Քայալար գյուղում ինքնասպանության չստացված փորձ է արել ևս 1 զինծառայող: Այս մասին հայտնում է թուրքական «Իհլաս հաբեր» լրատվական գործակալությունը։
Նշվում է, որ զինծառայող Հարուն Ասլանն իր ծառայողական զենքից դեռևս չպարզված հանգամանքներում կրակել է կրծքին։ Զինծառայողին ուղղաթիռով տեղափոխել են Հաքքարիի Ֆաթիհ զորանոց, այնուհետև մեքենայով Հաքքրիի պետական հիվանդանոց, որտեղ էլ ստացած վերքից վերջինս մահացել է։
Նշվում է նաև, որ զինծառայողը եղել է հոգեկան անհավասարակշիռ վիճակում։ Հայտնի է, որ Հարուն Ասլանը 21 տարեկան էր, ծնունդով Կայսերիի Քոջասիան գյուղից։
Դեպքի հանգամանքները պարզելու համար նշանակվել է ծառայողական քննություն։
Միևնույն ժամանակ նյութում նշվում է, որ նույն օրվա առավոտյան Շեմդինլիի Քայալար գյուղում ինքանսպանության փորձ կատարած ևս մեկ զինծառայողի ուղղղաթիռով տեղափոխվել է Վանի հիվանդանոց։ Վերջինիս մասին դեռևս տեղեկություններ չեն հաղորդվում։
Pingback: Ռազմաշաբաթ. Թուրքիա. 15-21 մարտի, 2015 | Ռազմ.info