Ադրբեջանի պաշտպանության նախարար, գեներալ-գնդապետ Զաքիր Հասանովը փետրվարի 11-ին ընդունել է Ղրղզստանի պաշտպանության նախարար Աբիբիլլա Կուդայբերդիևի գլխավորած պատվիրակությանը։ Կողմերը քննարկել են երկու երկրների ռազմական համագործակցության տեսլականը, ինչպես նաև տարածաշրջանային անվտանգության խնդիրները։ Այս մասին հայտնում է Ադրբեջանի ՊՆ կայքը։
Ադրբեջանի պաշտպանության նախարար Զաքիր Հասանովը և Ղրղզստանի պաշտպանության նախարար Աբիբիլլու Կուդայբերդիևը
Զաքիր հասանովը Ղրղզստանի պաշտպանության նախարարին ներկայացրել է տարածաշրջանի ռազմաքաղաքական իրավիճակը: Հասանովը կարևորել է հայ-ադրբեջանական հիմնախնդրի՝ միջազգային իրավունքի սկզբունքներին և նորմերին համապատասխան կարգավորումը։
Հանդիպմանը մասնակցել է նաև Ադրբեջանում Ղրղզստանի դեսպան Այջիգիթ Բուրանովը։
Հիշեցնենք, որ երեկ՝ փետրվարի 10-ին, Ղրղզստանի պաշտպանության նախարարին ընդունել էր Ադրբեջանի նախագահ Իլհամ Ալիևը։ Ղրղզստանցի պաշտոնյան Ադրբեջանում է լինելու մինչև փետրվարի 13-ը:
Pingback: Ղրղզստանի ՊՆ ղեկավարին ընդունել է Ադրբեջանի պաշտպանական արդյունաբերության նախարարը | Ռազմ.info