Հայաստանում տեղակայված ռուսական ռազմաբազայի ժամկետային զինծառայողները փոխարինվել են նորակոչիկներով: Ադրբեջանցի զինծառայողը դանակահարել է ծառայակցին: Ռուսաստանը մեծ քանակի զինամթերքով բեռնված նավ է ուղարկել Սիրիա:
- «Ադրբեջանը հարևան գրեթե բոլոր պետությունների հետ դիմակայություն ունի և դրանք պոտենցիալ պատերազմի սպառնալիքներ են»,- ասել է ռազմական փորձագետ Արծրուն Հովհաննիսյանը` հավելելով, որ բացառվում է միայն Ռուսաստանի հետ պատերազմը։
- ԼՂ ՊԲ կենտրոնական հավաքակետում կազմակերպվել է հանդիսավոր միջոցառում` նվիրված գարնանային առաջին զորակոչի ընդունմանը:
- Ավարտվել է Հայաստանում տեղակայված ռուսական ռազմաբազայի ժամկետային զինծառայողների պլանային փոխարինումը։
- «Հայ-թուրքական սահմանի պաշտպանությունը հուսալի ձեռքերում է, հայ-ռուսական դաշնակցությունը` անխաթար»,- այս խոսքերով են հրաժեշտ տվել հայ-թուրքական սահմանի սահմանապահները՝ հայ լրագրողներին:
- Ադրբեջանցի զինծառայողը դանակահարել է ծառայակցին. վերջինս մահացել է:
- Ռուսաստանը մեծ քանակի զինամթերքով բեռնված նավ է ուղարկել Սիրիա, որն այս շաբաթ արդեն կժամանի Տարտուս նավահանգիստ:
- ԱԷՄԳ-ում Իրանի ներկայացուցիչը, մեկնաբանելով արևմտյան որոշ լրատվամիջոցների այն պնդումները, թե Իրանում 27 տոկոս հարստացված ուրանի հետքեր են հայտնաբերվել, նշել է. «Ինչպես ԱԷՄԳ-ի զեկույցում է նշված` 27 տոկոս հարստացված ուրանի մասին հարցը սովորական տեխնիկական հարց է, որը ներկայում հետաքննվում է մասնագետների կողմից: Այլ երկրներում ևս պատահում են նմանատիպ տեխնիկական խնդիրներ, ուստի` որոշ ուժեր փորձում են քաղաքականացնել այս հարցը և թուլացնել Իրանի և ԱԷՄԳ-ի միջև առկա համագործակցությունը»:
- Սիրիայի Հոմս քաղաքում բախումների հետևանքով շուրջ 90 մարդ է զոհվել: