Ադրբեջանի պաշտպանության նախարար, գեներալ-գնդապետ Զաքիր Հասանովը հունվարի 10-ին մեկնել է Գանձակ (Գյանջա)՝ տեղի զորամասերում մարտական պատրաստվածության աստիճանը ստուգելու։
Զաքիր Ասքեր օղլու Հասանով
Ինչպես հաղորդում է Ադրբեջանի պաշտպանության նախարարության պաշտոնական կայքը, Զաքիր Հասանովի գլխավորած պատվիրակության նպատակն է նաև զորամասերի նյութատեխնիկական ապահովման, ընթացող շինարարական աշխատանքների, զինծառայողների կենցաղի կազմակերպման ստուգումները։
Հիշեցնենք, որ նոյեմբերի 6-ին Զաքիր Հասանովն ու ԶՈւ գլխավոր շտաբի պետ, գեներալ-գնդապետ Նաջմեդին Սադիգովը ժամանել էին Գանձակ՝ Շախորի 3-րդ բանակային կորպուսի անձնակազմի հետ հանդիպելու համար։ Դա Զաքիր Հասանովի՝ որպես պաշտպանության նախարարի, առաջին պաշտոնական այցն էր Գանձակ։