Զորամասում զինվորին պարբերաբար ծեծելու մասին լուրերը չեն համապատասխանում իրականությանը: Ընթացք տալով զինծառայողի մոր բողոքին և ուսումնասիրելով գործը` հայտնում է ԼՂ-ի ՊԲ մամլո ծառայությունը: ՄԱԿ-ի ԳԱ Սիրիայի հարցով բանաձև է ընդունել, իսկ ԱՄՆ-ն Իրանի նկատմամբ նոր պատժամիջոցների է դիմել:
- Քաղաքացիները սկսել են քննարկել այն հանգամանքները, որոնք հիմք են տալիս քննադատել ԶՈՒ համակարգը և փորձել են պարզել, թե ինչու է ԶՈՒ ավելի մեծ քննադատության արժանանում այն դեպքում, երբ բանակում պատահարների թիվը կրճատվել է: Հոդվածագիրը գալիս է այն եզրակացությանը, որ հասարակության մտածելակերպը փոխվել է և բանակին անհրաժեշտ են պրոֆեսիոնալ սպաներ, որոնց գոյությունը մի շարք խնդիրներ կլուծի:
- ԱՄՆ ՊՆ հետախուզական ծառայության գեներալ- լեյտենանտ Ռոնալդ Բերջեսը հայտարարել է, որ Իրանն իր վրա հարձակման դեպքում պատրաստ է պատասխան հարված հասցնել, սակայն դժվար թե առաջինը առճակատման գնա կամ հրահրի:
- Իրանական «ՖԱՐՍ» գործակալությունը գրում է, որ Բաքվի գործելաոճը հաստատում է իր մասնակցությունն իրանցի գիտնականների նկատմամբ իրականացված ահաբեկչության գործում: Հիշեցնենք, որ Թեհրանը մեղադրել էր Բաքվին` իրանցի միջուկագետ-ֆիզիկոսի սպանության հարցում իսրայելցիներին աջակցելու մեջ:
- Թուրքիայի Էներգետիկայի և բնական պաշարների նախարար Թաներ Յըլդըզը նշել է, որ Թուրքիան գոհ չէ Իրանի նկատմամբ պատժամիջոցներից, քանի որ դրանք կհանգեցնեն նավթի և գազի գների աճման:
- ԱՄՆ-ն հերթական քայլն է անում Իրանի դեմ: ԱՄՆ ֆինանսների նախարարությունը հայտարարություն է տարածել, որում ասվում է, որ այսուհետ Իրանի անվտանգության և հետախուզության նախարարությունն ԱՄՆ-ի կողմից կենթարկվի պատժամիջոցների:
Մինչ Սիրիայի Հոմս քաղաքում շարունակվում են իշխանության և ընդդիմության միջև բախումները` ՄԱԿ-ի Գլխավոր վեհաժողովը հավանություն է տվել Սիրիայի մասին բանաձեւին, որով Դամասկոսին կոչ է արվում «անմիջապես վերջ դնել մարդու իրավունքների բոլոր խախտումներին եւ քաղաքացիական անձանց վրա հարձակումներին, ապահովել բնակչության անվտանգությունը, ամբողջությամբ կատարել միջազգային իրավունքով սահմանված պարտականությունները»:
- Շարունակելով Սիրիայի թեման` նշենք, որ Թուրքիայում` պատգամավորների հետ հանդիպման ժամանակ, ՆԱՏՕ-ի գլխավոր քարտուղար Անդերս Ֆոգ Ռասմուսենը հայտնել է, որ ՆԱՏՕ-ն Սիրիայում ռազմական միջամտության չի դիմի:
- Ռուսաստանի Սևծովյան նավատորմին առաջարկվում է վերադարձնել Սևաստոպոլի նավամատույցները կամ վճարել դրանց դիմաց, որոնք 35-ն են, սակայն ռուսական կողմը տարիներ շարունակ հրաժարվում է կատարել ուկրաինական դատարանի որոշումը:
- Ռուսական ВЗГЛЯД թերթը` հղում անելով Վրաստանի Ազգային անվտանգության խորհրդի քարտուղար Գեորգի Բոկերիային, գրում է, որ առաջիկա օրերին Վրաստան է ժամանելու ամերիկացի մասնագետների խումբը, որը Վրաստանում հետազոտելու է երկրի պաշտպանունակության բարձրացման հարցը: