Շուշիի ուղղությամբ ավտովթարից ադրբեջանցի զինծառայող է մահացել

Հունվարի 12-ին Շուշիի ուղղությամբ ավտովթարից մահացել է Ադրբեջանի ԶՈւ պայմանագրային զինծառայող Յագուբով Հասան Հուսեյն օղլուն (Yaqubov Həsən Hüseyn oğlu), ևս երկու զինծառայող, որոնց անունները չի նշվում, վիրավոր են։

Այս մասին հայտնում է Ադրբեջանի Պաշտպանության նախարարությունը, փոխանցում է ադրբեջանական APA լրատվական գործակալությունը։ Նշվում է, որ դեպքի մանրամասները պարզելու համար հետաքննությունն է սկսվել։

Նշենք, որ նույն օրը Ղուբաթլուի ուղղությամբ ավտոմեքենայով ընթանալիս ականի պայթյունից մահացել էր նաև Ադրբեջանի Պետական սահմանապահ ծառայության կապիտան Մուխթարով Սանան Իլգար օղլուն (Muxtarov Sənan İlqar oğlu), իսկ վարորդը, ում անունը ևս չի նշվել, վիրավոր է։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *