Կիպրոսն ու ԱՄԷ-ն ռազմական համագործակցության համաձայնագիր են ստորագրել

Հունվարի 12-ին Կիպրոսի և Արաբական Միացյալ Էմիրությունների պաշտպանական գերատեսչությունների ղեկավարները ստորագրել են երկու երկրների միջև ռազմական համագործակցության մասին առաջին համաձայնագիրը։ Ենթադրվում է, որ այս համաձայնագիրը կունենա ակնհայտ հակաթուրքական միտում։

Այս մասին հայտնում է Associated Press պարբերականը։
Կիպրոսի պաշտպանության նախարարը մանրամասնել է, որ համաձայնագրով նախատեսված է համատեղ զորավարժությունների անցկացում, փորձի փոխանակում և օպերատիվ համագործակցություն երկու երկրների զինված ուժերի միջև։

Նշենք, որ ԱՄԷ-ն 2020 թ․ նոյեմբերի 30-ից դեկտեմբերի 6-ն ընկած ժամանակահատվածում Ֆրանսիայի հետ միասին առաջին անգամ մասնակցել էր Հունաստան-Կիպրոս-Եգիպտոս ձևաչափով անցկացվող Medusa-10 զորավարժություններին։

Ավելի վաղ՝ 2020 թ․ մայիսի 11-ին, ԱՄԷ-ն և Կիպրոսը միացել էին Եգիպտոսի ստեղծած հակաթուրքական դաշինքին՝ Միջերկրական ծովում և Մերձավոր Արևելքում թուրքական ապօրինի գործողություններին հակազդելու նպատակով։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *