Հանդիպել են Ադրբեջանի և Իսրայելի պաշտպանության նախարարները

Սեպտեմբերի 13-ին Ադրբեջանում հանդիպել են Ադրբեջանի և Իսրայելի պաշտպանության նախարարներ Զաքիր Հասանովը և Ավիգդոր Լիբերմանը։ 

Այս մասին հայտնում է Ադրբեջանի ՊՆ կայքը։

Նշվում է, որ հանդիպման ընթացքում քննարկվել է Ադրբեջան-Իսրայել համագործակցությունը ռազմական, ռազմա-տեխնիկական ոլորտներում։

Ձախից՝ Ադրբեջանի պաշտպանության նախարար Զաքիր Հասանովը և Իսրայելի Պաշտպանության նախարար Ավիգդոր Լիբերմանը

Ձախից՝ Ադրբեջանի պաշտպանության նախարար Զաքիր Հասանովը և Իսրայելի Պաշտպանության նախարար Ավիգդոր Լիբերմանը

Նշենք, որ Իսրայելի պատվիրակությունը պաշտպանության նախարար Լիբերմանի գլխավորությամբ մեկնելու է նաև Վրաստան, որտեղ ըստ իսրայելական կողմի տեղեկությունների նախատեսվում է հանդիպում նախագահի, պաշտպանության նախարարի և ԳՇ պետի հետ:

Հավելենք նաև, որ այս տարվա հունիսին հայտնի դարձավ, որ Ադրբեջանը գնել էր իսրայելական Israel Aerospace Industries-ի արտադրության LORA օպերատիվ-մարտավարական հրթիռային համալիրներ: Իսկ հուլիսին լուրեր շրջանառվեցին, որ Ադրբեջանը և իսրայելական Aeronautics ընկերությունը պատրաստվում են համատեղ արտադրել Պեգասուս 120 (Pegasus 120 UAV) տեսակի բազմապտուտակային անօդաչու թռչող սարքեր։

 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *