Հունիսի 4-ին Իրաքի հյուսիսում գտնվող Զապ շրջանում սպանվել է 3 քուրդ, թուրքական կողմի պնդմամաբ՝ «Քրդստանի աշխատավորական կուսակցության» (PKK) անդամներ: Այս մասին հայտնում է Թուրքիայի ԶՈւ ԳՇ կայքը:
Ըստ թուրքական աղբյուրի՝ PKK-ի անդամները սպանվել են Թուրքիայի օդուժի ավիահարվածների արդյունքում:
Irak kuzeyi Zap bölgesine yönelik olarak 04 Haziran 2018 tarihinde düzenlenen hava harekâtı neticesinde, bölücü terör örgütü mensubu silahlı 3 terörist etkisiz hale getirilmiştir. pic.twitter.com/e1reAb654H
— TSK (@TSKGnkur) June 5, 2018
Մինչ այդ հայտնի էր դարձել, որ թուրքական ուժերը քրդաբնակ գյուղերով առաջ շարժվելով շուրջ 30 կմ խորացել էին Իրաքի տարածքում:
Թուրքիան գործողություններ է իրականացնում Իրաքի հյուսիսում տեղակայված «Քրդստանի աշխատավորական կուսակցության» (PKK) անդամների դեմ, սակայն դեռևս լուրջ դիմադրության չի հանդիպել: Թուրքական զորքերը մոտենում են Քանդիլի լեռներին, որտեղ էլ կենտրոնացված են քրդերի հիմնական ուժերը: