Ապրիլի 3-ին Ադրբեջանի զինված ուժերի 52 զինծառայողից կազմված խաղաղապահ ուժերի հերթական խումբը մեկնել է Աֆղանստան՝ ՆԱՏՕ-ի «Վճռական աջակցություն» առաքելության շրջանակներում ծառայություն իրականացնելու համար: Այս մասին հայտնում է Ադրբեջանի ՊՆ կայքը:
Ադրբեջանի ԶՈւ զինծառայողների հերթական խումբը մեկնել է Աֆղանստան
Նշենք, որ Ադրբեջանը ավելացրել է իր զորքերի թվաքանակը Աֆղանստանում՝ 94-ից դարձնելով 120 զինծառայող: Ներկայում 120 հոգանոց զորախումբը ներառում է 2 ռազմական բժիշկ և 6 սպա, ովքեր ներկայացված են լինելու «Վճռական աջակցություն» առաքելության տարբեր շտաբերում:
Զորախմբի թվաքականի ավելացման մասին պաշտոնապես հայտարարվել էր 2017-ի նոյեմբերի 23-ին Ադրբեջանի նախագահի և ՆԱՏՕ-ի գլխավոր քարտուղարի հանդիպման ընթացքում:
Նշենք, որ Աֆղանստանում ՆԱՏՕ-ի «Վճռական աջակցություն» առաքելությանը մասնակցում է Հայաստանի ՊՆ խաղաղապահ բրիգադի 125-130 զինծառայող: