«Կորնետ» հակատանկային հրթիռային համալիրներն արդեն ՀՀ ԶՈւ սպառազինությունում են

Հայկական զինված ուժերն արդեն համալրվել է ռուսաստանյան արտադրության «Կորնետ» հակատանկային հրթիռային համալիրներով։ Այս տեղեկությունը հաստատում է ՀՀ ՊՆ «Զինուժ» հեռուստածրագրի հերթական՝ փետրվարի 17-ի թողարկումը։

Հակատանկային համալիրի«Կորնետ-Է» տարբերակն առաջին անգամ ցուցադրվել էր հունվարի 28-ին՝ ՀՀ Բանակի կազմավորման օրվան նվիրված միջոցառման ժամանակ։ Մինչ այդ որևէ տեղեկություն համալիրների ձեռքբերման մասին չէր եղել:

ՀՀ ԶՈւ «Կորնետ» համալիր

ՀՀ ԶՈւ «Կորնետ» համալիր

Համալիրներով համալրված զորամասերից մեկի դիվիզիոնի հրամանատարը հայտնել է, որ անձնակազմը ձեռք է բերել համապատասխան գիտելիքներ, թե՛ մարտավարատեխնիկական բնութագրի, թե՛ համալիրը կիրառելու վերաբերյալ։

«Կորնետ Է»-ն ռուսաստանյան նորագույն արտադրության հակատանկային հրթիռային համալիրներից է: Համակարգի մարտավարատեխնիկական ցուցանիշները զգալիորեն գերազանցում են մինչ այս ՀՀ ԶՈւ սպառազինությունում առկա «Ֆագոտ» համալիրների ցուցանիշները:

«Կորնետ Է». ՄՏԲ

  • Առավելագույն հեռահարությունը՝
    • Ցերեկը՝ 5500 մ,
    • Գիշերը՝ 3500 մ,
  • Նվազագույն հեռահարությունը՝ 100 մ,
  • Թիրախի առավելագույն ճակատային արագությունը՝ 70 կմ/ժ,
  • Կառավարման համակարգը՝ կիսաավտոմատ, լազերային ճառագայթով,
  • Հրթիռը՝
    • Տրամաչափը՝ 152 մմ,
    • Զանգվածը՝ 26 կգ,
    • Մարտական մասը՝ 7կգ, տանդեմային-կումուլյատիվ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *