Փետրվարի 1-ին Ռուսաստանի ԶՈւ Կասպյան նավատորմի հերթապահ ուժերի ՀՕՊ ստորաբաժանումները անցկացրել են պայմանական հակառակորդի օդային թիրախները ոչնչացնելու և օդուժի հարվածները կանխելու վարժանքներ: Այս մասին հայտնում է ՌԴ ՊՆ կայքը:
ՌԴ ՌԾՈւ-ի «Դաղստան» հրթիռային նավը
Նավերը բերվել են մարտական պատրաստության և ակտիվացվել են ռադիոէլեկտրոնային միջոցները: Օբյեկտների հայտնաբերումից հետո ՀՕՊ ստորաբաժանումները խոցել են թիրախները:
Վարժանքների ժամանակ նավատորմի կառավարման կենտրոնի հերթապահ ուժերը մշակել են նավերի մշտական տեղակայման վայրերի և ծովում նավերի վրա պայմանական հակառակորդի հարվածները կանխելու ժամանակ ՀՕՊ միջոցների և ուժերի ղեկավարումը կազմակերպելու գործողություններ:
Վարժանքների ժամանակ Կասպյան նավատորմը հրթիռային և հրետանային կրակ է վարելու հակառակորդի ծովային, օդային թիրախների ուղղությամբ:
Վարժանքներին ներգրավվել է ավելի քան 20 նավ, կատեր և սուզանավ, այդ թվում նաև «Թաթարստան» և «Դաղստան» հրթիռային նավերը, «Գրադ Սվիյաժսկ», «Ուգլիչ», «Վոլգոդոսնկ» և «Մախաչկալա», «Աստրախան» փոքր հրթիային և հրետանային նավերը: