Չավուշօղլուն Մոսկվայից ու Թեհրանից «պահանջում է» կանգնեցնել Սիրիայի բանակին Իդլիբում

Վերջին շաբաթվա ընթացքում Սիրիայի բանակը բավականին արագ տեմպերով առաջ է շարժվում ահաբեկիչների վերահսկողության տակ գտնվող Իդլիբ նահանգում: Սա ակնհայտորեն առաջացրել է Թուրքիայի անհանգստությունն ու դժգոհությունը, ինչը պարզ երևում է նաև այդ երկրի արտգործնախարար Մևլյութ Չավուշօղլուի հայտարարությունից: Փոխանցում է թուրքական «Անադոլուն»:

Սիրիայի բանակն Իդլիբում

Սիրիայի բանակն Իդլիբում

Թուրքիայի ԱԳՆ ղեկավարը հունվարի 10-ին հայտարարեց, որ, լինելով Իդլիբում հրադադարի պահպանման երաշխավորներ, ինչպես նաև Սիրիայի նախագահ Բաշար Ասադի հետ համագործակցող ուժեր, Ռուսաստանը և Իրանը պետք է դադարեցնեն սիրիական բանակի առաջխաղացումը:

Չավուշօղլուն նաև ակնարկեց, որ այս գործողությունները կարող են Թուրքիային այլ բան պարտադրելու ուղերձ ևս պարունակել: Խոսքը մասնավորապես Սոչիում նախատեսվող «Սիրիայի ժողովուրդների կոնգրեսի» մասին է:

Չնայած նախնական գաղափարը ենթադրում էր Սիրիայի բոլոր ուժերի քննարկում՝ Թուրքիան դեմ է քրդական կառույցի՝ PYD-YPG-ի մասնակցությանը: Չավուշօղլուն նշում է, որ իրենք կշարունակեն դրան դեմ լինել:

Հավելենք, որ նույն պահանջը Թուրքիան ներկայացրել է նաև Ռուսաստանի և Իրանի դեսպաններին՝ նրանց կանչելով ԱԳՆ:

Իրադրությունն Իդլիբում 2018 թ. հունվարի սկզբին

Իրադրությունն Իդլիբում 2018 թ. հունվարի սկզբին

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *