Հունվարի սկզբին Թուրքիայի զինված ուժերի ավիացիան համալրվել է F-4, 16 կործանիչների համար նախագծված SOM-B1 տեսակի թևավոր հրթիռներով (առաջին խմբաքանակը՝ 7 միավոր): Հրթիռներն արտադրում է թուրքական «Ռոքեթսան» ընկերությունը: Այս մասին հայտնում է թուրքական «Կոկպիտ աերո» մասնագիտացված կայքը:
Թուրքական արտադրության SOM դասի թևավոր հրթիռ
SOM ընտանիքի հրթիռներն արտադրվում են ամերիկյան Lockheed Martin ընկերության տրամադրած արտոնագրով: Մինչ այս թուրքական զինուժին մատակարարվել էին SOM-A տեսակի «օդ-մակերևույթ» դասի թևավոր հրթիռներ: Հրիթռների հիմնական մարտավարատեխնիկական բնութագրերը նույնն են, բացառությամբ որոշ համակարգերի:
SOM-A, B1 հրթիռները կրում են բեկորաֆուգասային, իսկ B2-ը՝ տանդեմային զրահահար մարտագլխիկներ: SOM-B1-ն A տարբերակից առանձնանում է ինքնաուղղորդման ինֆրակարմիր գլխիկով, թիրախն ավտոմատ «որսալու», ինչպես նաև էլեկտրաօպտիկական կոռելյացիայի ենթահամակարգով՝ IBN (Image Based Navigation):
| SOM-A | SOM-B1 | SOM-B2 | |
| Երկարությունը | ~4մ | ~4մ | ~4մ |
| Զանգվածը | ~600կգ | ~600կգ | ~600կգ |
| Հեռահարությունը | 250+ կմ | 250+ կմ | 250+ կմ |
| Մարտագլխ. զանգվածը | ~230կգ բեկորա-ֆուգասային | ~230կգ բեկորա-ֆուգասային |
~230կգ տանդեմային զրահահար
|
| Թիրախի որոնում | — | ինֆրակարմիր ինքնաուղղորդում |
ինֆրակարմիր ինքնաուղղորդում
|
| Պլատֆորմը | F-4 F-16 |
F-4 F-16 |
F-4 F-16 |
2014-15 թվականներից թուրքական նույն ընկերությունը զբաղվում է նաև F-35 կործանիչների համար նույն դասի թևավոր հրթիռների նախագծմամբ՝ SOM-J:
«Ռոքեթսան» ընկերության SOM-J մոդիֆիկացիայի կառավարվող հրթիռի նախագիծը՝ նախատեսված F-35 ինքնաթիռների համար