2017-ին Ռուսաստանում 18 ահաբեկչական գործողություն է կանխվել

2017 թվականին Ռուսաստանի Անվտանգության դաշնային ծառայության (ԱԴԾ) աշխատակիցները կանխել են 18 ահաբեկչական գործողություն և ահաբեկչական ուղղվածության 61 հանցագործություն։  Այս մասին հայտարարել է ՌԴ ԱԴԾ տնօրեն Ալեքսանդր Բորոտնիկովը։

Ըստ Բորոտնիկովի՝ կասեցվել է նաև ահաբեկչական 56 գաղտնի բջիջի գործունեություն։

ՌԴ անվտանգության դաշնային ծառայություն

ՌԴ անվտանգության դաշնային ծառայություն

Բորոտնիկովը հայտնել է նաև, որ ավելի վաղ Մոսկվայում ԱԴԾ-ն կասեցրել է «Իսլամական պետություն» ահաբեկչական խմբավորման կողմից ղեկավարվող հանցագործ խմբի գործունեություն, որը նախատեսել էր ահաբեկչական գործողություններ իրականացնել ամանորյա տոնակատարությունների ժամանակ։

Հիշեցնենք, որ 2017-ի մայիսին ԱԴԾ աշխատակիցները Մոսկվայում ձերբակալել էին ԻՊ  4 անդամի, ովքեր նախատեսում էին ահաբեկչությունների շարք իրականացնել, այդ թվում մեկը՝ Մոսկվայի մետրոյում:

Հավելենք, որ Ռուսաստանի տարածքներից ծայրահեղականների թվով աչքի է ընկնում Հյուսիսային Կովկասը և դրանից հյուսիս ընկած տարածքները: Այս տարածքների բնակչությունը հիմնականում մուսուլմանական է, ինչը պարարտ հող է ստեղծում «Իսլամական պետություն» և այլ ահաբեկչական կառույցների համար, որ տարածեն իրենց ծայրահեղական գաղափարները և անկայուն իրավիճակ ստեղծեն տարածաշրջանում:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *