Վրաստանի ԶՈւ հատուկ նշանակության ուժերի գումարտակի ուժեղացված վաշտը Աֆղանստանի մայրաքաղաք Քաբուլում մասնակցել է ՆԱՏՕ-ի «Վճռական աջակցություն» միջազգային առաքելության շտաբ-բնակարանի տարածքում անցկացվող վարժանքներին։ Այս մասին դեկտեմբերի 12-ին հայտնում է Վրաստանի ՊՆ կայքը։
Վրաստանի ԶՈւ հատուկ նշանակության ուժերի գումարտակի ուժեղացված վաշտի զինծառայողները Աֆղանստանում վարժանքների ժամանակ
Վարժանքներն անցկացվել են վրաստանցի զինծառայողների կազմած պլանի համաձայն և ներառել են առաջին բուժօգնության ցուցաբերում անցակետի մոտ՝ մահապարտի իրականացրած պայթյունից հետո։ Նաև մշակվել են տուժածների տարհանման և բազայում անվտանգության ռեժիմի ուժեղացման առաջադրանքներ։
Հիշեցնենք, որ Վրաստանի ԶՈւ հատուկ նշանակության ուժերի գումարտակը Աֆղանստանում մնալու է կես տարի, դրա հիմնական խնդիրն է «Վճռական աջակցություն» առաքելությանը մասնակից ուժերի և շտաբ-բնակարանի անվտանգության ապահովումը։
Աֆղանստանում ներկայում գտնվում է ընդհանուր առմամբ 900 վրաստանցի զինծառայող։ Վրաստանը ՆԱՏՕ-ի ոչ անդամ երկրների շարքում ամենաշատ զինծառայողներն ունի։ Բացի այդ, վրացական կողմը անհամեմատ ավելի շատ զինուժ ունի Աֆղանստանում՝ քան ՆԱՏՕ-ի անդամ մի շարք պետություններ, այդ թվում՝ Թուրքիան:
Հայաստանը ևս մասնակցում է առաքելությանը, Աֆղանստանում գործում է ՀՀ ԶՈւ 120 խաղաղապահ։