Թուրքական TAI ընկերությունը փորձում է սեփական արտադրության «Անքա» անօդաչու թռչող սարքը, «Հյուրքուշ» ուսումնամարտական ինքնաթիռը և Իտալիայի հետ համատեղ արտադրության T-129 Atak հարվածային ուղղաթիռներն արտահանել Հարավարևելյան Ասիայի երկրներում: Այս մասին հայտնում է թուրքական պետական «Անադլու» լրատվական գործակալությունը:
Թուրքական ավիաշինական ընկերությունը մասնակցում է Թաիլանդում անցկացվող ռազմարդյունաբերական ցուցահանդեսին: Հենց այդ ցուցահանդեսի շրջանակներում իր արտադրանքների արտահանման շուրջ փորձում է բանակցել Հարավարևելյան Ասիայի պետությունների ասոցացիա (ASEAN) անդամ երկների հետ:
TAI-ի ներկայացուցիչները բանակցել են Թաիլանդի, Մալայզիայի, Ինդոնեզիայի, Ֆիլիպինների, Վիետնամի պատվիրակությունների հետ: Հանդիպումներ անցկացվել են նաև Սինգապուրի և Հարավային Կորեայի պատվիրակությունների անդամների հետ: Կոնկրետ պայմանավորվածությունների մասին որևէ տվյալ չի տրամադրվում:
Թուրքիան այդ ցուցահանդեսին մասնավորապես ներկայացրել է՝
T-129 Atak հարվածային ուղղաթիռ.
- Թռիչքի առավելագույն արագությունը՝ 269 կմ/ժ,
- Առավելագույն բեռնատարողությունը՝ 1200 կգ,
- Թռիչքի առավելագույն բարձրությունը՝ 6 կմ,
- Գործողության իրականացման առավելագույն բարձրությունը՝ 3 կմ
- Մեկ լիցքավորմամբ հաղթահարվող տարածությունը՝ 561 կմ:
«Անքա» անօդաչու թռչող սարք (ունի հարվածային և հետախուզական տարբերակներ).
- Իրանի երկարությունը – 8մ,
- Թևերի բացվածքը – 17,3 մ,
- Գործողության շառավիղը ուղիղ տեսանելիության պայմաններում– 200 կմ,
- Թռիչքային զանգվածը – 1600 կգ,
- Վառելիքի զանգվածը – 250 կգ,
- Օգտակար բեռնատարողությունը – 200 կգ,
- Շարժիչը – 114 կՎտ հզորությամբ, 2 մխոց, տուրբո Thielert Centurion 2,0,
- Առավելագուն արագությունը – 217 կմ/ժ,
- Սովորական արագությունը – 140,7 կմ/ժ,
- Թռիչքի առաստաղը – 9144 մ,
- Թռիչքի առավելագույն տևողությունը – 24-32 ժամ,
- Բազային ռադարը – Ասելսան Սար (Aselsan Sar):
- Թևերի մակերեսը – 13,6մ²:
«Հյուրքուշ» ուսումնամարտական ինքնաթիռ.
- Շարժիչի հզորությունը՝ 1600 ձիաուժ,
- Առավելագույն արագությունը՝ 574 կմ/ժ,
- Թռիչքի առաստաղը՝ 10,6 հազար մետր: