Սեպտեմբերի 13-ին Աստանայում մեկնարկում է սիրիական հակամարտության հարցով բանակցությունների 6-րդ փուլը. Բանակցություններն անցկացվում են Թուրքիայի, Իրանի և Ռուսաստանի անմիջական ղեկավարությամբ: Կողմերը քննարկելու են մի շարք խնդիրներ, այդ թվում՝ ոչ բախումային գոտիների հարցը:
Ռուսաստանյան «ՌԻԱ Նովոստի» գործակալությունը, փոխանցելով «մոտ աղբյուրից» ստացած տեղեկությունները, հայտնում է, որ «կան բոլոր նախադրյալները, որպեսզի կողմերը համաձայնության գան բանակցային փուլերում ձևավորված փաստաթղթերի ամբողջական փաթեթի շուրջ»:
Սիրիայի բանակի զինծառայողները Համայում. Լուսանկարը՝ AP գործակալության. (արխիվ)
Բանակացություններին այս անգամ ևս ներգրավվել են Սիրիայի կառավարության և սիրիական ընդդիմադիր որոշ կառույցների ներկայացուցիչներ: Սա 2017 թ. հունվարից սկսած արդեն 6-րդ նման հանդիպումն է, եթե հաշվի չառնենք Թուրքիա-Իրան-Ռուսաստան փորձագիտական հանդիպումները Իրանի և նույն Ղազախստանի տարածքներում:
Բանակցային սեղանին դրված են Սիրիայի սահմանադրության մշակման համար Ռուսաստանի առաջարկած փաստաթուղթը, անցումային շրջանի կարգավորման մեխանիզմներին վերաբերող փաստաթղթեր, Սիրիայի Իդլիբ նահանգում ոչ բախումային գոտի սահմանելու և ազդեցության գոտիները որոշելու հարցը, ինչպես նաև Սիրիայի հարցով հիմնական՝ ժնևյան բանակցությունների կազմակերպմանը վերաբերող խնդիրներ:
Սիրիայում գործող «ոչ բախումային գոտիները». Աղբյուրը՝ ՌԴ ՊՆ
Հիշեցնենք, որ բանակցությունների նախորդ՝ 5-րդ փուլն անցկացվել էր հուլիսի 4-5-ը: Այդ ժամանակ կողմերին չէր հաջողվել համաձայնության գալ և փաստաթուղթ ստորագրել Սիրիայում «ոչ բախումային գոտիների» ստեղծման վերաբերյալ: Սակայն հետագայաում պարզ դարձավ, որ Սիրիայի որոշ հատվածներում, ամեն դեպքում, նման գոտիներ սահմանվել են, չնայած դրանց իրագործումը բավականին բացեր ունի: Այդ գոտիները կան դե-ֆակտո, սակայն փաստաթուղթ դեռ չկա:
Ինչ վերաբերում է կոնկրետ Իդլիբին, ապա Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի, Ռուսաստանի և Իրանի միջև Սիրիայի Իդլիբ շրջանի հարցում որևէ տարաձայնություն չկա: Ըստ այդմ, այս բանակցություններից առայժմ կոնկրետ արդյունքի հասնելու հավանականությունը ևս բարձ չէ:
Ինչ վերաբերում է Սիրիայի սահմանադրությանը, ապա այդտեղ խնդիրներն ավելի շատ են. Թուրքիան դեմ է Սիրիայի քրդերին ցանկացած ստատուս տալուն, չնայած քրդական կառույցը ռեալ ազդեցություն ունի այդ երկրում և վերահսկում է բավականին լայն տարածքներ:
Իրանն իր հերթին դեմ է Սիրիայի տարածքի բաժանմանը տարբեր ազդեցության գոտիների, իսկ Ռուսաստանը սեփական շահերն է հեդապնդում, որոնք ոչ միշտ են անգամ դաշնակից Սիրիայի կառավարության շահերին համընկնում:
#MAP: Total map of #Syria after the clearing of the #DeirEzzor”#Damascus road pic.twitter.com/Q8M9HWjPRS
— Islamic World Update (@islamicworldupd) September 10, 2017