Ռուսաստանը և Հնդկաստանը քննարկում են առաջիկա մի քանի տարվա ընթացքում Ռուսաստանի «Յանտար» նավաշինական գործարանում Հնդկաստանի ռազմածովային ուժերի համար ֆրեգատներ կառուցելու հարցը։ Այս մասին օգոստոսի 17-ին տեղեկացնում է «ՌԻԱ նովոստի» լրատվական գործակալությունը։
Ռուսաստանում Հնդկաստանի դեսպան Պանկաջ Սարանի խոսքերով՝ տեխնիկական բանակցություններն արդեն արվել են, այժմ ընթանում են առևտրային բանակցությունները։
Հնդկաստանի ԶՈւ F40 «Talwar» ֆրեգատ
Ռուսաստանը և Հնդկաստանը 2016-ի հոտեմբերին կնքել էին միջկառավարական համաձայնագիր, որով նախատեսվում է, որ Հնդկաստանի ԶՈւ համար կառուցել 11356 դասի 4 ֆրեգատ. ֆրեգատներից 2-ը Ռուսաստանում, մյուս 2-ը՝ Հնդկաստանում։ Սակայն բանակցությունները դեռ շարունակվում են, առայժմ պայմանագիր չի կնքվել։
Հավելենք, որ 1999-2013թթ․ Ռուսաստանում կառուցվել և Հնդկաստանի ԶՈւ-ին է մատակարարվել 11356 նախագծի 6 ֆրեգատ։ Ֆրեգատներից 3-ը կառուցվել են «Յանտար» նավաշինական գործարանում։