Միացյալ Նահանգների աջակցությամբ գործող քուրդ-արաբական «Սիրիայի դեմոկրատական ուժեր» (SDF) խմբավորումը վերջին մեկ օրում «Իսլամական պետություն» ահաբեկչական խմբավորումից ազատագրել են Ռաքքայի մի շարք կարևոր շրջաններ: Այս մասին հայտնել է ԱՄՆ գլխավորած կոալիցիայում ԱՄՆ նախագահի ներակայացուցիչը:
Significant progress in #Raqqa last 24 hrs, with key territory seized by #SDF forces & 100s of civilians freed. All IDPs now receiving aid.
— Brett McGurk (@brett_mcgurk) July 31, 2017
Օգոստոսի 1-ին քրդական ուժերը հայտնել են, որ SDF խմբավորումը գրեթե վերահսկողություն է սահմանել Ռաքքա քաղաքի հարավային թաղամասերում. փոխանցում է Reuters գործակալությունը:
Քրդական ուժերը նաև հայտնում են, որ SDF խմբավորումը առաջ է ընթանում նաև արևելքից, մարտերը շարունակում են ընթանալ նաև արևմտյան հատվածում: ԻՊ դեմ ԱՄՆ գլխավորած կոալիցիայի խոսնակը նաև հայտարարել է, որ վերջին 2 օրում քուրդ-արաբական ուժերը Ռաքքայի հյուսիսում իսլամիստներից ազատագրել են մոտ 10 քառ. կմ տարածք:
Ավելի վաղ քրդական ուժերը ճեղքել էին «Իսլամական պետություն» ահաբեկչական խմբավորման պաշտպանությունը և մտել Ռաքքա քաղաքի հին թաղամասեր: 2017-ի հունիսից SDF-ի մարտիկները ԱՄՆ աջակցությամբ սկսել են Ռաքքա քաղաքի գրոհը։
While clashes are fierce in the western front, SDF are determined to keep their promise to free all civilians trapped by IS
ANHA#Raqqa #SDF pic.twitter.com/0U8POpvCeW— CLAUDIA (@ClaudiaAlMina) August 1, 2017
Նշենք, որ ԱՄՆ-ն ռազմական աջակցություն է ցուցաբերում SDF-ի մարտիկներին, ինչը սակայն դժգոհություն է առաջացնում Թուրքիայում: Թուրքիայի իշխանությունները Սիրիայի քրդական խմբավորումները դիտում են որպես ահաբեկչական կառույցներ: